આ સરકારે લોકોને ઈદ-ઉલ-અઝહાની ભેટ આપી, પેટ્રોલ 10.20 રૂપિયા પ્રતિ લીટર સસ્તુ થયું

મોંઘવારીનો સામનો કરી રહેલા પાકિસ્તાનના લોકોને મોટી રાહત આપતા સરકારે ઈદ-ઉલ-અઝહા પહેલા પેટ્રોલ અને હાઈ-સ્પીડ ડીઝલ (HSD)ના ભાવમાં ઘટાડો કર્યો છે. સરકારે પેટ્રોલમાં 10.20 પાકિસ્તાની રૂપિયા અને હાઈ-સ્પીડ ડીઝલ (HSD)માં 2.33 પાકિસ્તાની રૂપિયા પ્રતિ લિટરનો ઘટાડો કર્યો છે.

એક્સપ્રેસ ટ્રિબ્યુન અખબારે શુક્રવારે વડા પ્રધાન કાર્યાલયના એક નિવેદનને ટાંકીને જણાવ્યું હતું કે કટ પછી પેટ્રોલની કિંમત પાકિસ્તાની રૂપિયા 258.16 પ્રતિ લિટર અને HSDની કિંમત પાકિસ્તાની રૂપિયા 267.89 પ્રતિ લિટર થશે. આ કાપ શનિવારથી લાગુ થશે.

પાકિસ્તાનનું નાણા વિભાગ સામાન્ય રીતે દર 15 દિવસે ઈંધણના ભાવની સમીક્ષા કરે છે. વિભાગે નવીનતમ ભાવ ઘટાડા માટે સત્તાવાર સૂચના બહાર પાડી અને કહ્યું કે નવા ભાવ આગામી પખવાડિયા માટે લાગુ થશે.