July 24, 2026
હવામાન વિભાગે આજે બનાસકાંઠા, વાવ-થરાદ, પાટણ, મહેસાણા, ગાંધીનગર, ખેડા, અમદાવાદ, આણંદ, સુરેન્દ્રનગર અને મોરબી જિલ્લામાં અતિ ભારે વરસાદનું રેડ એલર્ટ જાહેર કર્યું છે. જ્યારે સાબરકાંઠા, અરવલ્લી, પંચમહાલ, દાહોદ, મહિસાગર, વડોદરા, ભરૂચ, સુરત, નવસારી, વલસાડ, રાજકોટ, જામનગર, અમરેલી, ભાવનગર, બોટાદ અને કચ્છ જિલ્લામાં ભારેથી અતિભારે વરસાદનું ઓરેન્જ એલર્ટ જારી કરવામાં આવ્યું છે. છોટા ઉદેપુર, નર્મદા, ડાંગ, તાપી, પોરબંદર, જૂનાગઢ, ગીર સોમનાથ, દેવભૂમિ દ્વારકા જિલ્લામાં ભારે વરસાદ સાથે યલો એલર્ટની આગાહી કરવામાં આવી છે.
મહેસાણા, સાબરકાંઠા, ગાંધીનગર, અરવલ્લી, ખેડા, મહિસાગર, સુરેન્દ્રનગર જિલ્લામાં આવતીકાલે એટલે કે 25 જુલાઈ 2026 ના રોજ ભારે વરસાદનું રેડ એલર્ટ જારી કરવામાં આવ્યું છે. બનાસકાંઠા, વાવ-થરાદ, પાટણ, અમદાવાદ, આણંદ, પંચમહાલ, દાહોદ, વડોદરા, છોટા ઉદેપુર, ભરૂચ, રાજકોટ, અમરેલી, ભાવનગર, મોરબી અને બોટાદ જિલ્લામાં ભારેથી અતિ ભારે વરસાદની શક્યતા છે. જ્યારે સુરત, નર્મદા, તાપી, નવસારી, ડાંગ, વલસાડ, કચ્છ, જામનગર, દેવભૂમિ દ્વારકા, પોરબંદર, જૂનાગઢ અને ગીર સોમનાથ જિલ્લામાં ભારે વરસાદ પડી શકે છે.
બીજી તરફ, હવામાન નિષ્ણાત અંબાલાલ પટેલની નવી આગાહી મુજબ, આજે, સમગ્ર ગુજરાતમાં વરસાદી તંત્ર સક્રિય હોવાથી મોટાભાગના વિસ્તારોમાં ભારે વરસાદ પડવાની શક્યતા છે. આ વરસાદ ખાસ કરીને સૌરાષ્ટ્ર અને કચ્છના વિસ્તારો માટે જીવનરક્ષક સાબિત થશે. રાજકોટ અને તેની આસપાસના વિસ્તારોમાં વાવણીલાયક વરસાદ થવાની શક્યતા છે, જ્યારે કચ્છમાં હળવાથી ભારે વરસાદથી લાંબા સમયથી ચાલી રહેલી દુષ્કાળ જેવી પરિસ્થિતિમાં મોટો સુધારો જોવા મળશે. આ ઉપરાંત, જામનગર, દ્વારકા, પોરબંદર તેમજ સુરેન્દ્રનગર, હળવદ અને ધ્રાંગધ્રામાં પણ સારા વરસાદની આગાહી કરવામાં આવી છે.
દક્ષિણ ગુજરાતના વિવિધ ભાગોમાં ભારે વરસાદની શક્યતા છે, પરંતુ ઉત્તર ગુજરાતમાં પરિસ્થિતિ વધુ ગંભીર બની શકે છે. ઉત્તર ગુજરાતમાં ભારેથી અતિ ભારે વરસાદને કારણે સ્થાનિક નદીઓમાં પૂર આવી શકે છે, જેમાં અરવલ્લી અને સાબરકાંઠા જિલ્લામાં સૌથી વધુ વરસાદ પડવાની ધારણા છે. અમદાવાદ અને ગાંધીનગરમાં હળવોથી ભારે વરસાદ પડી શકે છે. અમદાવાદમાં નીચાણવાળા વિસ્તારોમાં પાણી ભરાવાની શક્યતા હોવાથી નાગરિકોને તેમની મિલકતની સંભાળ રાખવાની સલાહ આપવામાં આવી છે.
Trending News
મધ્યપ્રદેશ, જે ઉપરવાસમાં સ્થિત છે, તેમાં ભારે વરસાદને કારણે, નર્મદા ડેમનું પાણીનું સ્તર નોંધપાત્ર રીતે વધી શકે છે, જે રાજ્ય માટે રાહતના સમાચાર છે. અંબાલાલ પટેલના જણાવ્યા મુજબ, આજે રાજ્યમાં વરસાદી સિસ્ટમ સંપૂર્ણ તાકાત સાથે સક્રિય થશે અને આવતીકાલથી તેની તીવ્રતા ઓછી થશે. જોકે, ઉત્તર અને મધ્ય ગુજરાતમાં 26 થી 27 જુલાઈ સુધી વરસાદી સ્થિતિ ચાલુ રહેશે. હાલમાં થઈ રહેલો આ વરસાદ પાક માટે ખૂબ જ ફાયદાકારક છે.