July 05, 2024
ICC T20 વર્લ્ડ કપની ફાઇનલ મેચ ખૂબ જ રોમાંચક રહી હતી. શનિવારે રમાયેલી આ મેચમાં ટીમ ઈન્ડિયાએ દક્ષિણ આફ્રિકાને 7 રનથી હરાવ્યું હતું. આ જીત સાથે સ્ટેડિયમમાં ખુશીની લહેર દોડી ગઈ હતી અને આ દરમિયાન સ્ટેડિયમમાં વાગેલા ગીતે લોકોને વધુ ભાવુક કરી દીધા હતા.
તમને જણાવી દઈએ કે, દર વખતની જેમ આ વખતે પણ ટીમ ઈન્ડિયાની જીત બાદ સ્ટેડિયમમાં ગીત વાગવા લાગ્યું હતું, પરંતુ આ વખતે ગીત એવું હતું કે તેણે બધાને ભાવુક કરી દીધા. ટીમ ઈન્ડિયાએ મેચ જીતતાની સાથે જ સ્ટેડિયમમાં ‘વંદે માતરમ (મા તુઝે સલામ)’ના ગીતો ગુંજવા લાગ્યા. એઆર રહેમાને કમ્પોઝ કરેલા આ ગીતને સાંભળ્યા બાદ ભારતીય ક્રિકેટ ટીમના તમામ ખેલાડીઓ વધુ ભાવુક જોવા મળ્યા હતા. સાથે જ શ્રોતાઓએ પણ હર્ષના આંસુ વહાવ્યા હતા. મેચ બાદ બધાએ આનંદ વ્યક્ત કર્યો.
જીત બાદ એક તરફ ભારતીય ક્રિકેટર હાર્દિક પંડ્યા પોતાના આંસુ રોકી શક્યો ન હતો તો બીજી તરફ દર્શકો પણ પોતાના આનંદના આંસુ રોકી શક્યા ન હતા. 29 જૂન 2024 ભારત માટે સૌથી ખુશીનો દિવસ સાબિત થયો. ભારત રોમાંચક મેચ જીતતાની સાથે જ દેશભરના લોકોએ જશ્ન મનાવવા ફટાકડા ફોડવાનું શરૂ કરી દીધું હતું.
તમને જણાવી દઈએ કે, એક સમયે એવું લાગતું હતું કે મેચ ટીમ ઈન્ડિયાના હાથમાંથી નીકળી ગઈ છે, ત્યારે 17મી ઓવરમાં ફાસ્ટ બોલર જસપ્રિત સિંહ બુમરાહે એક અજાયબી કરી બતાવી. 17મી ઓવર પછી ટીમ ઈન્ડિયાએ મેચમાં વાપસી કરવાનું શરૂ કર્યું અને પછી છેલ્લી ઓવરમાં હાર્દિકનો જાદુ કામ કરી ગયો અને તેણે મેચ જીતીને દર્શકોના દિલ જીતી લીધા.
