October 22, 2024
અત્યારે એવો સમય ચાલી રહ્યો છે કે ભણ્યા પછી સારી નોકરી મેળવવી સહેલું નથી. તમે જે પ્રકારનું કામ કરો છો તેના આધારે ક્યારેક તમને એટલો પગાર મળતો નથી, પરંતુ કેટલીક નોકરીઓ એવી હોય છે જેમાં કામ ઓછું હોય છે પણ પેમેન્ટ સારું હોય છે. એ અલગ વાત છે કે તેના માટે અમુક ખાસ કળાની જરૂર હોય છે. ચાલો આજે અમે તમને એક એવી જ નોકરી વિશે જણાવીએ, જે માત્ર 35 મિનિટ માટે રોજના હજારો રૂપિયા કમાઈને આપશે.
ડેઈલી સ્ટારના અહેવાલ મુજબ હાલમાં બાથરૂમ ક્વોલિટી એશ્યોરન્સ ટેસ્ટરની નોકરીની જાહેરાત કરવામાં આવી છે. આમાં તમારે વધારે કામ નહીં કરવું પડે, પરંતુ તમારે અઠવાડિયામાં માત્ર 1-4 કલાક જ કામ કરવું પડશે. જોબની સારી વાત એ છે કે તેમાં ફ્રીલાન્સિંગની સુવિધા છે. તમારે કોઈપણ એક કરાર અથવા બોન્ડ દ્વારા બંધાયેલા રહેવાની જરૂર નથી. એ અલગ વાત છે કે તમને આના માટે ઉમદા પગાર આપવામાં આવે છે.
ઘણીવાર તમે જોયું હશે કે કોઈ કામ કરવા માટે ઓફિસ જવું પડે છે અથવા ઓફિસનું કામ કલાકો સુધી ઘરે જ કરવું પડે છે. બાથરૂમ ડીલ નામની કંપની આવી જોબ ઓફર કરી રહી છે જેમાં જોબ બાથરૂમમાંથી જ કરવાની હોય છે. તમારે બાથટબમાં કંપનીના બજેટ ફ્રેન્ડલી પ્રોડક્ટ્સનો ઉપયોગ કરવો પડશે અને તેનો પ્રતિભાવ આપવાનો રહેશે. કંપનીના બાથરૂમ એક્સપર્ટ વોરેન કિનલોચ કહે છે કે બાથરૂમ ક્વોલિટી એશ્યોરન્સ ટેસ્ટર્સના ફીડબેક દ્વારા કંપની તેના ગ્રાહકોને વધુ વિશ્વાસ સાથે સારા ઉત્પાદનો પહોંચાડવામાં સક્ષમ બનશે જેથી આવી નોકરી કરનારની જરૂર છે.
આ નોકરી માટે અરજી કરનાર વ્યક્તિની ઉંમર 18 વર્ષથી વધુ હોવી જોઈએ. તમે કંપનીની વેબસાઇટ પર ઉપલબ્ધ ફોર્મમાં કેટલાક પ્રશ્નોના જવાબ આપીને અરજી કરી શકો છો. જોબ તમારા ઘરેથી જ કરવાની હોય છે, જો કે મહિનામાં એક વાર કંપનીના પ્રોફેશનલ્સ આવશે અને તમારી નહાવાની એક્સેસરીઝ બદલશે. આ કામ માટે તમને દર મહિને 40 હજાર રૂપિયા આપવામાં આવશે. આ માટે તમારે અઠવાડિયામાં 1-4 કલાક એટલે કે દરરોજ ઓછામાં ઓછી 35 મિનિટ સ્નાન કરવું પડશે. આ સમય દરમિયાન તમે ટીવી જોઈ શકો છો અથવા કોઈ અન્ય મનપસંદ કામ કરી શકો છો.
