September 17, 2024
ચોમાસું આવી ગયું છે અને રાજ્યમાં સાર્વત્રિક વરસાદ થઈ રહ્યો છે. આ રીતે હવામાન વિભાગની નવી આગાહી બહાર આવી છે. આગામી પાંચ દિવસ દરમિયાન વરસાદની તીવ્રતા કેટલી રહેશે? તે અંગે માહિતી આપવામાં આવી છે. હવામાન વિભાગના વૈજ્ઞાનિક રામાશ્રય યાદવે જણાવ્યું હતું કે દક્ષિણ અને ઉત્તરમાં ચક્રવાતી પરિભ્રમણ થયું છે, જેના કારણે કેટલાક જિલ્લાઓમાં ભારે વરસાદની આગાહી સાથે રેડ એલર્ટ જારી કરવામાં આવ્યું છે. તેમજ આ પાંચ દિવસ દરમિયાન ક્યાં ક્યાં અતિ ભારે વરસાદ, અતિભારે વરસાદ અને ભારે વરસાદ થશે તેની માહિતી આપવામાં આવી છે.
હવામાન વિભાગના વૈજ્ઞાનિક રામાશ્રય યાદવે જણાવ્યું હતું કે આજે જ્યાં ભારે વરસાદની આગાહી સાથે રેડ એલર્ટ છે ત્યાં સુરત, નવસારી, વલસાડ, દમણ, દાદરાનગર હવેલી, જામનગર, પોરબંદર, જૂનાગઢ, દ્વારકા, કચ્છ રેડ એલર્ટ પર છે. . જ્યારે ભારે વરસાદ સાથે ઓરેન્જ એલર્ટમાં બનાસકાંઠા, પાટણ, પંચમહાલ, દાહોદ, મહિસાગર, છોટાઉદેપુર, નર્મદા, ભરૂચ, ડાંગ, તાપી, રાજકોટ, અમરેલી, ભાવનગર, મોરબી, ગીરસોમનાથનો સમાવેશ થાય છે. ભારે વરસાદ અને યલો એલર્ટની વાત કરીએ તો મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, પંચમહાલ, મહિસાગર, સુરેન્દ્રનગર, દીવનો સમાવેશ થાય છે.
સુરત, નવસારી, વલસાડ, દમણ, દાદરાનગર હવેલી, જામનગર, પોરબંદર, અમરેલી, દ્વારકા, કચ્છ આવતીકાલે ભારે વરસાદ સાથે ઓરેન્જ એલર્ટ પર છે. જ્યારે સુરેન્દ્રનગર, રાજકોટ, અમરેલી, ભાવનગર, દીવમાં ભારે વરસાદની આગાહી કરવામાં આવી છે. જ્યારે અન્ય તમામ જિલ્લાઓ ભારે વરસાદની આગાહી સાથે યલો એલર્ટ પર છે.
બુધવારે સુરત, વલસાડ, નવસારી, દમણ, દાદરાનગર હવેલીમાં ભારે વરસાદની આગાહી છે. જ્યારે બનાસકાંઠા, પાટણ, પંચમહાલ, દાહોદ, છોટાઉદેપુર, વડોદરા, નર્મદા, ભરૂચ, તાપી, જામનગર, પોરબંદર, અમરેલી, જૂનાગઢ, ભાવનગર, દ્વારકા, ગીરસોમનાથ, કચ્છ, દીવમાં ભારે વરસાદની આગાહી સાથે યલો એલર્ટ પર છે.
Trending News
ગુરુવારે ભારે વરસાદ સાથે યલો એલર્ટની વાત કરીએ તો, વડોદરા, સુરત, ભરૂચ, નવસારી, વલસાડ, દમણ, દાદરાનગર હવેલી, અમરેલી, ભાવનગરનો સમાવેશ થાય છે.
શુક્રવારે ભારે વરસાદની વાત કરીએ તો નવસારી, વલસાડ, દમણ, દાદરાનગર હવેલી ઓરેન્જ એલર્ટ પર છે. જ્યારે મહેસાણા, ગાંધીનગર, અમદાવાદ, આણંદ, પંચમહાલ, વડોદરા, ભરૂચ, સુરતમાં ભારે વરસાદની આગાહી કરવામાં આવી છે. સુરેન્દ્રનગર, અમરેલી, ભાવનગર, બોટાદ ભારે વરસાદની આગાહી સાથે યલો એલર્ટ પર છે.
તેમણે એમ પણ કહ્યું કે, સમગ્ર ગુજરાતમાં પાંચ દિવસ સુધી ગાજવીજ સાથે વાવાઝોડાની આગાહી છે અને પવનની ઝડપ 45 થી 55 કિલોમીટર પ્રતિ કલાક રહેશે.