July 01, 2026
ગુજરાતમાં ચોમાસાની ઋતુ નજીક આવી રહી હોવાથી, અમદાવાદ હવામાન કેન્દ્રે આજે સાંજે 4:00 વાગ્યે આગામી 3 કલાક (સાંજે 7 વાગ્યા સુધી) માટે તાત્કાલિક ‘નોકાસ્ટ’ બુલેટિન જારી કર્યું છે. આ ચેતવણી મુજબ, રાજ્યના ઘણા જિલ્લાઓમાં હવામાન અચાનક બદલાશે અને ગાજવીજ અને વીજળી સાથે ભારેથી મધ્યમ વરસાદની પ્રબળ સંભાવના છે.
ભારે વરસાદની ચેતવણી
હવામાન વિભાગના ખાસ બુલેટિન મુજબ, આગામી 3 કલાકમાં રાજ્યના દક્ષિણ અને સૌરાષ્ટ્રના કેટલાક વિસ્તારોમાં 15 મીમી પ્રતિ કલાકથી વધુની ઝડપે ભારે વરસાદ પડી શકે છે. આ સમયગાળા દરમિયાન 41 થી 61 કિમી પ્રતિ કલાકની ઝડપે પવન ફૂંકાશે અને મધ્યમ વાવાઝોડાની આગાહી કરવામાં આવી છે. ચિંતાજનક બાબત એ છે કે આ વિસ્તારોમાં જમીન પર વીજળી પડવાની સંભાવના 60% થી વધુ દર્શાવવામાં આવી છે.
અસરગ્રસ્ત જિલ્લાઓ: પોરબંદર, જૂનાગઢ, રાજકોટ, ગીર સોમનાથ, દીવ, અમરેલી, ભાવનગર, ભરૂચ, તાપી, નવસારી, ડાંગ, વલસાડ, દમણ, દાદરા અને નગર હવેલી તેમજ સુરત.
Trending News
અમદાવાદ સહિતના જિલ્લાઓમાં મધ્યમ વરસાદની આગાહી
રાજ્યના મધ્ય અને પૂર્વ ભાગોમાં હવામાન સામાન્ય કરતા થોડું હળવું રહેશે પરંતુ વરસાદ અવિરત ચાલુ રહી શકે છે. આ વિસ્તારોમાં 5 થી 15 મીમી પ્રતિ કલાકની ઝડપે મધ્યમ વરસાદ પડવાની શક્યતા છે. અહીં પવનની ગતિ 40 કિમી પ્રતિ કલાકથી ઓછી રહેશે અને વીજળી પડવાની શક્યતા 30% થી 60% જેટલી જોવા મળે છે.