December 01, 2025
ગુજરાતની આસપાસ બે વરસાદી સિસ્ટમ સક્રિય છે. જેના કારણે ભારેથી અતિ ભારે વરસાદ પડ્યો છે. જેમાં દક્ષિણ-પૂર્વ મધ્યપ્રદેશ પર ચક્રવાતી પરિભ્રમણ અને ચોમાસુ ટ્રફ બંને રચાયા છે. જે બિકાનેરમાંથી પસાર થઈ રહ્યું છે. આ ઉપરાંત, ઉત્તર કોંકણ પર ચક્રવાતી પરિભ્રમણ પણ રચાયું છે. જેના કારણે આગામી સાત દિવસ સુધી આ પરિસ્થિતિ ચાલુ રહેવાની શક્યતા છે. આજે ગુજરાતમાં ભારે વરસાદની આગાહી કરવામાં આવી છે.
હવામાન વિભાગે સપ્ટેમ્બરમાં સામાન્ય કરતાં વધુ વરસાદની આગાહી કરી છે, જેના કારણે પૂર અને ભૂસ્ખલન જેવી આફતો વધી શકે છે. ઓગસ્ટમાં રેકોર્ડ વરસાદ પછી, આ ચોમાસું વધુ તીવ્ર બની રહ્યું છે, જેમાં ઉત્તરાખંડ, હિમાચલ અને ગુજરાત જેવા વિસ્તારોમાં ખાસ ચેતવણીઓ જારી કરવામાં આવી છે. આ વરસાદના કારણોમાં પશ્ચિમી વિક્ષેપ અને લો-પ્રેશર સિસ્ટમનો સમાવેશ થાય છે. વિગતવાર, ભારતીય હવામાન વિભાગે રવિવારે જાહેર કરેલા એક અહેવાલમાં જણાવ્યું છે કે ચાલુ સપ્ટેમ્બર મહિનામાં દેશમાં સામાન્ય કરતાં વધુ વરસાદ પડશે.
ગુજરાતમાં 4 થી 6 સપ્ટેમ્બર દરમિયાન ભારેથી ખૂબ જ ભારે વરસાદની સંભાવના છે. ઓગસ્ટમાં રેકોર્ડ વરસાદ પછી, દક્ષિણપશ્ચિમ ચોમાસું તીવ્ર બની રહ્યું છે. પશ્ચિમી વિક્ષેપ અને લો પ્રેશર સિસ્ટમ્સને કારણે હિમાચલ અને ગુજરાત માટે ખાસ ચેતવણી જારી કરવામાં આવી છે. સપ્ટેમ્બરમાં ચોમાસું વિદાય લેશે નહીં.
હવામાન નિષ્ણાત અંબાલાલ પટેલની આગાહી સપ્ટેમ્બરની શરૂઆતમાં આવી છે. અંબાલાલ પટેલે જણાવ્યું હતું કે રાજ્યમાં 2 સપ્ટેમ્બર સુધી વરસાદ રહેશે. દરિયામાં ઉછળતા મોટા મોજા ઉછળશે. ભાદરવી પૂનમ દરમિયાન રાજ્યમાં ભારે વરસાદ પડશે. 5 થી 9 સપ્ટેમ્બર દરમિયાન સમગ્ર ગુજરાતમાં ભારે વરસાદ પડશે.
Trending News
તેમના મતે, ઉત્તર ગુજરાતમાં મહેસાણા, પાટણ, સાબરકાંઠા, અરવલ્લી અને બનાસકાંઠામાં વરસાદ પડશે. ત્યારબાદ કેટલાક ભાગોમાં ભારે વરસાદ પડી શકે છે. પૂર્વ ગુજરાતમાં ભારેથી અતિ ભારે વરસાદની શક્યતા છે. દક્ષિણ ગુજરાતના કેટલાક ભાગોમાં ભારે વરસાદ પડી શકે છે. સુરતમાં પણ વરસાદ પડી શકે છે.