March 29, 2025
શું તમને નથી લાગતું કે ગોંડલ આજકાલ ગુજરાતનો ચર્ચાનો વિષય બની ગયો છે? પછી તે રાજકુમાર જાટનો મુદ્દો હોય કે પછી સગીરને બેરહમીથી માર મારવાનો મુદ્દો હોય અને ખાસ કરીને ગણેશ ગોંડલની તેમાં દખલગીરીનો મુદ્દો હોય. જોકે, આ બધા વચ્ચે એક વાત પણ સામે આવી કે એક સંમેલન યોજાય છે અને પછી ગણેશ ગોંડલ તેમને ધારાસભ્ય બનાવવાની વાત કરે છે. જેના કારણે વાતાવરણ હવે ખૂબ ગરમાયું છે.
ગોંડલનું રાજકારણ ગરમાયું
ગણેશ ગોંડલને ધારાસભ્ય બનાવવાની વાતથી રાજકારણ ગરમાયું છે. હવે નિખિલ દોંગાને ધારાસભ્ય બનાવવાની પોસ્ટ સોશિયલ મીડિયા પર વાયરલ થઈ છે. પોસ્ટમાં એવો પણ ઉલ્લેખ કરવામાં આવ્યો છે કે નિખિલ દોંગાને પાટીદાર સમાજના ખભા પર બેસાડીને ધારાસભ્ય બનાવવામાં આવશે. અલ્પેશ ઢોલરિયાએ ગણેશ ગોંડલને ધારાસભ્ય બનાવવાની વાત કરી હતી, જેના પછી ગોંડલનું રાજકારણ ગરમાયું છે.
સાગર સાવલિયાએ પોતાની પોસ્ટમાં શું લખ્યું?
Trending News
સાગર સાવલિયાએ જણાવ્યું હતું કે, “ભાજપ જિલ્લા પ્રમુખ અલ્પેશ ઢોલરિયાએ ગોંડલ બેઠક પર નજર રાખતા લોકોને કહ્યું હતું કે અમારા ગણેશ તૈયાર છે, અમે ગણેશને તેમના ખભા પર બેસાડીને ધારાસભ્ય બનાવીશું.”
ગોંડલના ધારાસભ્ય કોણ બનશે?
બીજી તરફ, ‘પાટીદાર સમુદાયના ખભા પર બેસવા માટે હજુ પણ નિખિલભાઈ દોંગા જેવો તેજસ્વી યુવાન છે’ જેવી પોસ્ટ સોશિયલ મીડિયા પર વાયરલ થઈ રહી છે. એક ગોંડલના મહારાજા ભગવતસિંહજી હતા જેમણે પોતાના બૌદ્ધિક સિદ્ધાંતોથી ગોંડલને ઘણું બચાવ્યું હતું અને હવે જ્યારે ગોંડલને બીજું મિર્ઝાપુર કહેવામાં આવી રહ્યું છે, ત્યારે ગોંડલના આગામી ધારાસભ્યને લઈને ગોંડલના રાજકારણમાં હલચલ મચી ગઈ છે.