June 20, 2026
ગુજરાતમાં ખરીફ સિઝન શરૂ થઈ ગઈ છે. આ રાજ્યની સૌથી મોટી સિઝન માનવામાં આવે છે અને લગભગ 85 લાખ હેક્ટરમાં વાવણી થાય છે. રાજ્યના ખેડૂતોને આર્થિક રીતે સધ્ધર બનાવવા અને વાવણી માટે શાહુકારો કે બેંકો પાસેથી વ્યાજ ન લેવું પડે તે ઉમદા ઉદ્દેશ્ય સાથે, સરકાર ખેડૂતોના ખાતામાં 2000 રૂપિયાનો હપ્તો જમા કરાવે છે. અત્યાર સુધીમાં દેશના 9.44 કરોડ ખેડૂતોને આ લાભ મળી રહ્યો છે. પ્રધાનમંત્રી કિસાન સન્માન નિધિ (PM-KISAN) યોજનાની શરૂઆતથી લઈને 23મા હપ્તા સુધી, કેન્દ્ર સરકાર દ્વારા દેશભરના ખેડૂતોના ખાતામાં કુલ ₹3 લાખ કરોડથી વધુની રકમ સીધી ટ્રાન્સફર કરવામાં આવી છે. જ્યારે ગુજરાતના ખેડૂતોના ખાતામાં 23 હજાર કરોડ રૂપિયા આવ્યા છે.
૧. દેશમાં લાભાર્થી ખેડૂત પરિવારોની સ્થિતિ
કુલ લાભાર્થી ખેડૂત પરિવારો: ૯.૪૪ કરોડથી વધુ (૯,૪૪,૦૦,૦૦૦+)
દેશમાં કુલ વિતરિત રકમ: ₹૧૮,૮૮૦ કરોડથી વધુ
Trending News
સરેરાશ ચુકવણી: દરેક પાત્ર ખેડૂત પરિવારના ખાતામાં ₹૨,૦૦૦ સીધી જમા કરવામાં આવ્યા છે.
૨. ગુજરાતમાં લાભાર્થી ખેડૂત પરિવારો: ૫૧.૨૮ લાખથી વધુ (૫૧,૨૮,૦૦૦+)
ગુજરાત માટે ફાળવવામાં આવેલી કુલ રકમ: ₹૧,૦૨૫ કરોડથી વધુ
રાજ્યમાં સરેરાશ કવરેજ: ગુજરાતના લગભગ ૭૪.૩% ખેડૂત પરિવારોને (અત્યાર સુધી નોંધાયેલા પરિવારોની કુલ સંખ્યાના આધારે) આ ૨૩મા હપ્તાનો સીધો લાભ મળ્યો છે.
લાભ પામેલા પરિવારો
ચૂકવવામાં આવેલી કુલ રકમ
૨૩મા હપ્તાની રકમ ઉમેરીને, ગુજરાતના ખેડૂતોને અત્યાર સુધીમાં કુલ ₹૨૩,૦૮૩ કરોડ સીધી બેંક ખાતા સહાયમાં પ્રાપ્ત થયા છે.
સરકાર ખેડૂતોના મામલામાં સતત સક્રિય છે. કોઈ પણ ખોટા ખેડૂતને લાભ ન મળે તે માટે, સરકારે 100% પારદર્શિતા જાળવી રાખી છે. વચેટિયાઓ અથવા કમિશન સિસ્ટમને નાબૂદ કરીને, સમગ્ર રકમ RBI દ્વારા સીધા ખેડૂતોના ખાતામાં જમા કરવામાં આવે છે.
e-KYC ની અસર
પચાસ લાખથી વધુ ખેડૂતોનો ડેટા ફિલ્ટર કરવામાં આવ્યો છે. આ હપ્તો ફક્ત 51.28 લાખ ખેડૂતોને ચૂકવવામાં આવ્યો છે જેમણે આધાર લિંકિંગ અને e-KYC પ્રક્રિયા પૂર્ણ કરી છે, જેનાથી બોગસ લાભાર્થીઓને રોકવામાં મદદ મળી છે. અગાઉ, આ આંકડો 69 લાખ સુધી પહોંચ્યો હતો.
ઓર્ગેનિક અને કુદરતી ખેતીને વેગ આપવો
આ હપ્તાની જાહેરાત સાથે, સરકાર ખરીફ પાકની વાવણી પહેલાં ખેડૂતોને બીજ અને ખાતર માટે નાણાકીય સહાય પૂરી પાડવાનો હેતુ ધરાવે છે, જે ‘ઓર્ગેનિક ગુજરાત’ ના વિઝનને વધુ મજબૂત બનાવશે. ખરીફ સિઝન પહેલાં ખેડૂતો માટે 2000 નો હપ્તો ખૂબ જ મહત્વપૂર્ણ છે.