April 10, 2025
વોશિંગ્ટન ડીસી: રાષ્ટ્રપતિ ડોનાલ્ડ ટ્રમ્પે અમેરિકા ફર્સ્ટની નીતિને અનુસરીને ટેરિફ દ્વારા સમગ્ર વિશ્વમાં હલચલ મચાવી દીધી. ચીન પર ૧૦૪ ટકા સુધીના ટેરિફ લાદવામાં આવ્યા હતા. પરંતુ, ફરી એકવાર તેણે આશ્ચર્યચકિત કરી દીધું છે. ટ્રમ્પે ટેરિફને 90 દિવસ માટે મોકૂફ રાખ્યો છે. આ આદેશ તાત્કાલિક અસરથી અમલમાં આવશે. આમ છતાં તેમણે ચીનને કોઈ રાહત આપી નથી. ચીન પર ૧૨૫% ટેરિફ લાદવાની જાહેરાત કરવામાં આવી છે.
ડોનાલ્ડ ટ્રમ્પ 20 જાન્યુઆરી 2025 ના રોજ અમેરિકાના રાષ્ટ્રપતિ બન્યા. ત્યારથી, તેઓ મોટા નિર્ણયો લઈ રહ્યા છે. પેરિસ ક્લાયમેટ એગ્રીમેન્ટમાંથી અમેરિકાને પાછું ખેંચી લીધું, ઘુસણખોરો અને શરણાર્થીઓથી અમેરિકાને બચાવવા માટે ઇમિગ્રેશન નીતિ કડક બનાવી. ત્રીજા લિંગ નીતિ નાબૂદ કરવામાં આવી અને ત્યારબાદ, એક મોટો નિર્ણય લેવામાં આવ્યો અને ટેરિફની જાહેરાત કરવામાં આવી.
અમેરિકાના અર્થતંત્રને સુધારવા અને સ્થાનિક ઉદ્યોગોને સુરક્ષિત રાખવા માટે, ટ્રમ્પે પારસ્પરિક ટેરિફ લાદવાનું પગલું ભર્યું. ટેરિફ એટલે આયાતી માલ પર લાદવામાં આવતો કર. તેમણે “ટાટ ફોર ટેટ” નીતિ અપનાવી. પરંતુ આ સાથે જ આખી દુનિયામાં ટેરિફ યુદ્ધ શરૂ થઈ ગયું. પરિસ્થિતિ ગંભીર બનતી જોઈને, તેમણે બુધવારથી 90 દિવસ માટે ટેરિફ પર પ્રતિબંધ લાદ્યો, પરંતુ ચીનને કોઈ રાહત આપી નહીં. તેમણે ચીન પર ૧૨૫ ટકા ટેરિફ લાદ્યો.
ટ્રમ્પે શું કહ્યું?
90 દિવસ માટે પારસ્પરિક ટેરિફ પર પ્રતિબંધ: યુએસ રાષ્ટ્રપતિ ડોનાલ્ડ ટ્રમ્પે 90 દિવસ માટે ટેરિફ પર પ્રતિબંધ મૂકવાના પોતાના નિર્ણયનો બચાવ કરતા કહ્યું કે આ પગલું જરૂરી હતું અને તેમને તેનો ગર્વ છે. તેમણે કહ્યું કે આ નિર્ણય એ દેશો માટે રાહત છે જેમણે અમેરિકાના ટેરિફ નિર્ણયોનો બદલો લીધો નથી.
Trending News
ટ્રમ્પે કહ્યું, “મને લાગ્યું કે કેટલાક લોકો ખૂબ આગળ વધી રહ્યા છે. મારા જેવો નિર્ણય બીજા કોઈ રાષ્ટ્રપતિએ ન લીધો હોત. કોઈને તો એ કરવું જ પડ્યું, કારણ કે આ પરિસ્થિતિ લાંબા સમય સુધી ચાલુ રહી શકે નહીં. મને આ પગલું ભરવાનો ગર્વ છે.”
તેમણે વધુમાં કહ્યું કે જે દેશોએ યુએસ ટેરિફનો જવાબ આપ્યો નથી તેમને કામચલાઉ રાહત આપવામાં આવી છે. ચીન પર ટેરિફ વધારવાના નિર્ણયને યોગ્ય ઠેરવતા ટ્રમ્પે કહ્યું, “મેં ચીન પર ટેરિફ વધાર્યા કારણ કે તેમણે બદલો લીધો. મેં પહેલેથી જ કહ્યું હતું કે જો તેઓ બદલો લેશે, તો અમે તેને બમણું કરીશું. અને અમે તે જ કર્યું.”
90 દિવસ માટે પારસ્પરિક ટેરિફ પર પ્રતિબંધ: પોતાના નિર્ણય અંગે આશાવાદ વ્યક્ત કરતા ટ્રમ્પે કહ્યું, “મને લાગે છે કે આ વ્યૂહરચના અત્યંત અસરકારક સાબિત થશે. અમે એવું કંઈક કરવા જઈ રહ્યા છીએ જેની કોઈએ કલ્પના પણ નહીં કરી હોય. મને ખુશી છે કે મેં આ નિર્ણય લીધો.”
રાષ્ટ્રપતિ ટ્રમ્પના આ નિવેદનથી સંકેત મળે છે કે અમેરિકાની વેપાર નીતિ આગામી દિવસોમાં વધુ આક્રમક વલણ અપનાવી શકે છે, ખાસ કરીને એવા દેશો સામે જે અમેરિકન ઉત્પાદનો પર ઊંચા ટેરિફ લાદે છે.