November 21, 2024
હવામાનશાસ્ત્રી અંબાલાલ પટેલે આગામી 24 કલાકમાં રાજ્યમાં ભારે વરસાદની આગાહી કરી છે. અંબાલાલ પટેલે આગાહી કરી છે કે આગામી 24 કલાકમાં રાજ્યના વિવિધ વિસ્તારોમાં વીજળીના કડાકા સાથે વરસાદ (રેઈન ફોરકાસ્ટ) થશે.
અંબાલાલ પટેલની આગાહીઓ
દક્ષિણ ગુજરાત, દક્ષિણ સૌરાષ્ટ્ર, મધ્ય ગુજરાત અને પંચમહાલના કેટલાક ભાગોમાં ગાજવીજ સાથે વરસાદની શક્યતા છે.
પંચમહાલ વિસ્તારમાં ભારે વરસાદની આગાહી કરવામાં આવી છે.
7મી જુલાઈ સુધીમાં રાજ્યભરમાં વીજળીના કડાકા સાથે વરસાદનું પ્રમાણ વધવાની શક્યતા છે.
અમદાવાદ અને ગાંધીનગરમાં હળવાથી મધ્યમ વરસાદી ઝાપટા પડી શકે છે.
રથયાત્રાના દિવસે રાજ્યના કેટલાક શહેરોમાં છૂટાછવાયા વરસાદની સંભાવના છે.
બંગાળની ખાડી પર નીચા દબાણની સિસ્ટમ રચાય તેવી શક્યતા છે, જે 8 થી 14 જુલાઈ દરમિયાન રાજ્યના ઘણા ભાગોમાં વરસાદ લાવી શકે છે.
અષાઢી પાંચમીએ રાજ્યના મોટાભાગના વિસ્તારોમાં વાવાઝોડું આવવાની શક્યતા છે.
બંગાળની ખાડીમાં સર્જાતી બીજી સિસ્ટમ 15મીએ રાજ્યમાં વરસાદ લાવશે.
દક્ષિણ ગુજરાત, દક્ષિણ સૌરાષ્ટ્ર અને મધ્ય ગુજરાતમાં 25 જુલાઈ સુધી ભારે વરસાદની શક્યતા છે.
રાજ્યના કેટલાક ભાગોમાં પૂર જેવી સ્થિતિ સર્જાય તેવી શક્યતા છે.
હવામાન વિભાગની આગાહી
ગુજરાત હવામાન: હવામાન વિભાગે આજે રાજ્યના ત્રણ જિલ્લામાં ગાજવીજ સાથે ભારે વરસાદની આગાહી કરી છે. સુરત, નવસારી અને વલસાડમાં ભારે વરસાદ પડી શકે છે.
Trending News
સુરત, નવસારી, વલસાડ, દમણ, દાદરા નગર હવેલીમાં આજે એટલે કે ગુરુવારે ભારે વરસાદની શક્યતા છે.
સંઘ પ્રદેશ દમણ અને દાદરાનગર હવેલી પણ વરસાદ માટે યલો એલર્ટ પર છે. તો પ્રવાસન સ્થળ દીવમાં હળવાથી મધ્યમ વરસાદની શક્યતા છે.
ઉત્તર ગુજરાતના બનાસકાંઠા, પાટણ, મહેસાણા, સાબરકાંઠામાં વરસાદ પડી શકે છે. તો ગાંધીનગર, ખેડા, આણંદ, અમદાવાદ, પંચમહાલ અને દાહોદમાં વરસાદની શક્યતા છે.
હવામાન વિભાગે આજે કચ્છ સૌરાષ્ટ્રના જિલ્લામાં બે દિવસ હળવાથી મધ્યમ વરસાદની આગાહી કરી છે. કચ્છ, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદમાં વરસાદની શક્યતા છે.