September 10, 2026
લાંબા વિરામ બાદ સૌરાષ્ટ્રમાં ફરી વરસાદ પડ્યો છે. અંબાલાલ પટેલે ૧૦ સપ્ટેમ્બર પહેલા સામાન્ય વરસાદ અને ૧૫ સપ્ટેમ્બર સુધી ભારે વરસાદની આગાહી કરી હતી. આગાહી વચ્ચે જામનગર, અમરેલી અને ભાવનગરના ઘણા વિસ્તારોમાં વરસાદ પડ્યો હોવાથી ખેડૂતો ખુશ છે. વરસાદથી સુકાતા પાક ફરી જીવંત થયા હોવાથી ખેડૂતોએ રાહતનો શ્વાસ લીધો છે.
ખેડૂતો લાંબા સમયથી વરસાદની રાહ જોઈ રહ્યા હતા, પરંતુ હવે વરસાદના આગમનથી ધરતીએ રાહતનો શ્વાસ લીધો છે. લાંબા વિરામ બાદ સૌરાષ્ટ્રમાં મેઘરાજા ફરી આવ્યા છે. કચ્છમાં પણ વરસાદ નોંધાયો છે.
અંબાલાલ પટેલે આગાહી કરી હતી કે ૧૦ સપ્ટેમ્બર સુધીમાં રાજ્યમાં છૂટાછવાયા વરસાદ પડી શકે છે, અને ૧૫ સપ્ટેમ્બર સુધીમાં ભારે વરસાદની આગાહી કરવામાં આવી હતી, પરંતુ આગાહી બાદ ગુજરાતમાં ફરી વરસાદ પડ્યો છે.
આજે એટલે કે ૯ સપ્ટેમ્બરે સૌરાષ્ટ્રના ઘણા વિસ્તારોમાં વરસાદ નોંધાયો છે. જામનગરના ધ્રોલના ગ્રામ્ય વિસ્તારોમાં ભારે વરસાદ પડ્યો છે. ધ્રોલ તાલુકામાં ત્રણ કલાકમાં ૨ ઇંચ વરસાદ પડ્યો છે.
Trending News
જામનગર ઉપરાંત, અમરેલીના જાફરાબાદ અને સાવરકુંડલામાં હવામાનમાં પલટો આવ્યો અને વરસાદ પડ્યો. આ ઉપરાંત, ભાવનગરના ગ્રામ્ય વિસ્તારોમાં વાદળછાયું હતું. તો, કચ્છના અબડાસા તાલુકામાં પણ વરસાદ પડ્યો.
રાજ્યમાં લગભગ એક મહિનાથી વરસાદે વિરામ લીધા બાદ ખેડૂતો ચિંતામાં હતા, પરંતુ હવે મેઘરાજાની એન્ટ્રીથી સુકાતા પાક ફરી જીવંત થયા છે. તેથી ખેડૂતોએ પણ રાહતનો શ્વાસ લીધો છે.