September 22, 2026
રાજ્યમાં આગામી સાત દિવસ દરમિયાન હળવાથી મધ્યમ વરસાદની આગાહી કરવામાં આવી છે. કેટલાક વિસ્તારોમાં ગાજવીજ સાથે વરસાદ થવાની શક્યતા છે. આજે દક્ષિણ ગુજરાતમાં ભારે વરસાદની આગાહી કરવામાં આવી છે.
અત્યાર સુધીમાં રાજ્યમાં સામાન્ય કરતાં સાત ટકા ઓછો વરસાદ નોંધાયો છે. આગામી બેથી ત્રણ દિવસમાં સૌરાષ્ટ્ર અને કચ્છના કેટલાક વિસ્તારોમાંથી ચોમાસું વિદાય લઈ શકે છે.
આજે સૌરાષ્ટ્રના જૂનાગઢ, ભાવનગર, રાજકોટ, ગીર સોમનાથ અને અમરેલી જિલ્લાઓમાં વરસાદ થયો હતો; અમરેલીના રાજુલા શહેરમાં તેજ પવન સાથે મુશળધાર વરસાદ પડ્યો હતો. રાજકોટના જસદણમાં થયેલા વરસાદથી લોકોને ગરમીમાંથી રાહત મળી હતી અને ખેડૂતોમાં પાક બચી જવાની આશા જાગી હતી.
દક્ષિણ ગુજરાતના વલસાડ સહિતના વિસ્તારોમાં વરસાદી માહોલ જોવા મળ્યો હતો; લાંબા સમયના સૂકા ગાળા બાદ વલસાડમાં ગાજવીજ સાથે વરસાદ પડ્યો હતો. ભાવનગરના મહુવા શહેર અને તેના ગ્રામ્ય વિસ્તારોમાં ફરી શરૂ થયેલા વરસાદથી ગરમીમાં રાહત મળી હતી.
Trending News
એક દિવસના વિરામ બાદ જૂનાગઢમાં ફરી વરસાદનું આગમન થયું હતું. સાંજના સમયે ગીર સોમનાથના ઉનામાં પણ વરસાદ પડ્યો હતો, જેનાથી લોકોને ગરમીમાંથી રાહત મળી હતી અને ખેડૂતોમાં પાક બચી જવાની આશા બંધાઈ હતી.