October 18, 2024
સપ્તાહના છેલ્લા ટ્રેડિંગ સેશનમાં પણ ભારતીય શેરબજારમાં ઘટાડા સાથે કારોબારની શરૂઆત થઈ છે. BSE સેન્સેક્સ 276 પોઈન્ટ અને નિફ્ટી 93 પોઈન્ટના ઘટાડા સાથે ખુલ્યો હતો. IT ઓટો શેરોમાં ઘટાડા સાથે ખુલ્યો. મિડકેપ અને સ્મોલકેપ શેરોમાં પણ ઘટાડો જોવા મળી રહ્યો છે. પરંતુ બજાર ઘટાડા સાથે ખુલ્યા બાદ પ્રોફિટ બુકિંગના કારણે ઘટાડો વધુ વધ્યો હતો.
નિફ્ટી મિડકેપ ઈન્ડેક્સ 800 પોઈન્ટથી વધુના ઘટાડા સાથે કારોબાર કરી રહ્યો છે. સેન્સેક્સ 562 પોઈન્ટ અને નિફ્ટી 168 પોઈન્ટ ડાઉન છે. માર્કેટમાં આ નબળાઈને કારણે ઈન્ડિયા વિક્સ 3.51 ટકાના વધારા સાથે કારોબાર કરી રહ્યો છે. એવું માનવામાં આવે છે કે વિદેશી રોકાણકારો ભારતીય બજારમાં સતત વેચવાલી કરી રહ્યા છે જેના કારણે સતત ઘટાડો જોવા મળી રહ્યો છે.
વધતા અને ઘટતા શેર
સેન્સેક્સના 30 શેરોમાંથી માત્ર 5 વધી રહ્યા છે જ્યારે 25 ઘટાડા સાથે ટ્રેડ થઈ રહ્યા છે. નિફ્ટીના 50 શેરોમાંથી માત્ર 7 જ ઉછાળા સાથે ખુલ્યા છે જ્યારે 43 શેરો ઘટાડા સાથે કારોબાર શરૂ કર્યા છે. તેજીવાળા શેરોમાં એક્સિસ બેન્ક 2.75 ટકા, આઇશર મોટર્સ 2.08 ટકા, વિપ્રો 1.79 ટકા, TCS 0.59 ટકા, ભારતી એરટેલ 0.08 ટકા, ICICI બેન્ક 0.054 ટકાના ઉછાળા સાથે ખુલ્યા હતા. ઘટતા શેરોમાં શ્રીરામ ફાઇનાન્સ, ઇન્ફોસિસ, મારુતિ, ટાઇટન, બજાજ ઓટો, મહિન્દ્રા એન્ડ મહિન્દ્રા, BPCL, BEL, અદાણી એન્ટરપ્રાઇઝિસનો સમાવેશ થાય છે.
Trending News
તમામ ક્ષેત્રોના શેરોમાં ઘટાડો
આજના કારોબારમાં તમામ ક્ષેત્રોમાં ઘટાડો જોવા મળી રહ્યો છે. બેન્કિંગ, ઓટો, આઈટી, એનર્જી, એફએમસીજી, ઈન્ફ્રા, ફાર્મા, હેલ્થકેર, કન્ઝ્યુમર ડ્યુરેબલ્સ સેક્ટરના શેરમાં ભારે ઘટાડો જોવા મળી રહ્યો છે. મિડકેપ અને સ્મોલકેપ શેરોમાં મોટો ઘટાડો જોવા મળી રહ્યો છે.
માર્કેટ ખુલ્યા બાદ રોકાણકારોને રૂ. 5 લાખ કરોડનું નુકસાન થયું હતું
શેરબજાર ખુલ્યા બાદ ભારે ઘટાડાથી રોકાણકારોને ભારે નુકસાન થયું છે. BSE પર લિસ્ટેડ શેરોનું માર્કેટ કેપ ઘટીને રૂ. 452 લાખ કરોડ થયું છે જે છેલ્લા સત્રમાં રૂ. 457 લાખ કરોડની નજીક હતું. આજના સત્રમાં રોકાણકારોને રૂ.5 લાખ કરોડનું નુકસાન થયું છે.