અદાણી CNGમાં પ્રતિ કિલો રૂ. 2.24નો ભાવ વધારો, પ્રતિકિલોએ રૂ. 86.1 પહોંચ્યો ભાવ

અદાણી સીએનજીના ભાવમાં કિલો દીઠ રૂ. ૨.૨૪નો વધારો
ગુજરાતમાં ફરી એકવાર અદાણી સીએનજીના ભાવમાં વધારો કરવામાં આવ્યો છે. કંપનીએ સીએનજીના ભાવમાં કિલો દીઠ રૂ. ૨.૨૪નો વધારો જાહેર કર્યો છે, જેના કારણે અદાણી સીએનજીનો ભાવ હવે કિલો દીઠ રૂ. ૮૬.૧ થયો છે. ઉલ્લેખનીય છે કે અગાઉ ૪ એપ્રિલે પણ અદાણી સીએનજીના ભાવમાં ૧.૫૦ રૂપિયાનો વધારો કરવામાં આવ્યો હતો. આમ, છેલ્લા દોઢ મહિનામાં કુલ ૩.૫૦ રૂપિયાનો વધારો નોંધવામાં આવ્યો છે. સીએનજીના નવા વધેલા ભાવ આજથી અમલમાં આવી ગયા છે, જેના કારણે વાહનચાલકો પર વધુ આર્થિક બોજ પડશે.