December 01, 2025
ગુજરાતમાં ફરી મેઘરાજા મહેર કરવા તૈયાર છે! હવામાન વિભાગે આગામી 7 દિવસ રાજ્યમાં ભારેથી અતિ ભારે વરસાદની આગાહી કરી છે. ત્રણ સક્રિય સિસ્ટમોને કારણે, 25 જુલાઈથી 29 જુલાઈ દરમિયાન ખાસ કરીને ઉત્તર ગુજરાત અને સૌરાષ્ટ્રના કેટલાક વિસ્તારોમાં ભારે વરસાદની શક્યતા છે.
આજનું હવામાન (24 જુલાઈ):
આજે રાજ્યભરમાં સામાન્યથી મધ્યમ વરસાદની આગાહી છે. ખાસ કરીને અમદાવાદ, બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, ખેડા, મહિસાગર, પંચમહાલ, દાહોદ, છોટા ઉદેપુર, વડોદરા, આણંદ, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ અને દાદરા નગર હવેલીમાં ગાજવીજ અને વીજળી સાથે હળવાથી મધ્યમ વરસાદની શક્યતા છે.
સૌરાષ્ટ્ર અને કચ્છના કેટલાક વિસ્તારો જેમ કે કચ્છ, મોરબી, સુરેન્દ્રનગર, જામનગર, રાજકોટ, બોટાદ, ભાવનગર, અમરેલી, ગીર સોમનાથ, જૂનાગઢ, પોરબંદર અને દેવભૂમિ દ્વારકામાં પણ છૂટાછવાયા સ્થળોએ ગાજવીજ સાથે હળવાથી મધ્યમ વરસાદની શક્યતા છે.
Trending News
કાલથી વરસાદનું જોર વધશે:
હવામાન વિભાગના જણાવ્યા અનુસાર, આવતીકાલથી રાજ્યમાં વરસાદનું જોર વધશે. 25 જુલાઈથી 29 જુલાઈ દરમિયાન ભારેથી અતિ ભારે વરસાદની શક્યતા છે. હવામાન વિભાગના જણાવ્યા અનુસાર, 27 જુલાઈએ પંચમહાલ, દાહોદ અને છોટા ઉદેપુરમાં વરસાદનું ઓરેન્જ એલર્ટ જારી કરવામાં આવ્યું છે. જ્યારે રાજકોટ, અમરેલી, ભાવનગર, બોટાદ, સુરેન્દ્રનગરમાં વરસાદનું યલો એલર્ટ જારી કરવામાં આવ્યું છે. ગાંધીનગર, અમદાવાદ, પાટણ, બનાસકાંઠા, સાબરકાંઠા, મહેસાણા, અરવલ્લી, મહિસાગરમાં પણ યલો એલર્ટ જારી કરવામાં આવ્યું છે.
૨૮ જુલાઈ માટે ખાસ ચેતવણી
બીજી તરફ, મધ્ય ગુજરાતના ખેડા, આણંદ, વડોદરા અને દક્ષિણ ગુજરાતના ભરૂચ, નર્મદા, સુરત, તાપી, નવસારી, ડાંગ, વલસાડ તેમજ કેન્દ્રશાસિત પ્રદેશ દમણ અને દાદરાનગર હવેલીમાં વરસાદનું યલો એલર્ટ જારી કરવામાં આવ્યું છે. ૨૮ જુલાઈએ ઉત્તર ગુજરાતના બનાસકાંઠા, સાબરકાંઠા અને મહેસાણામાં વરસાદનું ઓરેન્જ એલર્ટ જારી કરવામાં આવ્યું છે. જ્યારે પાટણ, અમદાવાદ, ગાંધીનગર, અરવલ્લી, ખેડામાં કચ્છ, જામનગર, મોરબી, રાજકોટ, બોટાદ, સુરેન્દ્રનગરમાં યલો એલર્ટ જારી કરવામાં આવ્યું છે.
માછીમારોને દરિયામાં ન જવાની સલાહ આપવામાં આવી છે.
આણંદ, મહિસાગર, પંચમહાલ, દાહોદ, વડોદરા, છોટા ઉદેપુરમાં ભારે વરસાદ પડી શકે છે. ભરૂચ, નર્મદા, સુરત, તાપી, નવસારી, ડાંગ અને વલસાડમાં પણ વરસાદનું યલો એલર્ટ જારી કરવામાં આવ્યું છે. ૨૮ જુલાઈના રોજ કેન્દ્રશાસિત પ્રદેશ દમણ અને દાદરા નગર હવેલીમાં ભારે વરસાદની યલો એલર્ટ જારી કરવામાં આવી છે. ભારે વરસાદની આગાહીને ધ્યાનમાં રાખીને માછીમારોને પાંચ દિવસ સુધી દરિયામાં ન જવાની સલાહ આપવામાં આવી છે.