ગુજરાત પર વાવાઝોડા જેવી સિસ્ટમ ત્રાટકશે, પરેશ ગોસ્વામીએ તારીખ સાથે કરી આગાહી

ગુજરાતનું હવામાન બદલાવાનું છે. જાન્યુઆરીના અંત અને ફેબ્રુઆરીની શરૂઆતમાં ગુજરાતમાં ફરી એકવાર કમોસમી વરસાદની આગાહી કરવામાં આવી છે. બંગાળની ખાડીમાં ચક્રવાત જેવું સ્વરૂપ ધારણ કરી રહ્યું છે. આ વેસ્ટર્ન ડિસ્ટર્બન્સ સમગ્ર ગુજરાતને હચમચાવી નાખશે. હવામાન નિષ્ણાતો પરેશ ગોસવાણી અને અંબાલાલ પટેલે ગુજરાતમાં ભારે વરસાદની આગાહી કરી છે, તો બીજી તરફ, હવામાન વિભાગે પણ નવીનતમ હવામાન અપડેટ્સ આપ્યા છે.

પરેશ ગોસ્વામીની આગાહી
આગામી દિવસો માટે હવામાન નિષ્ણાત પરેશ ગોસ્વામીની આગાહી આવી છે. તેમણે ફેબ્રુઆરીના પહેલા અઠવાડિયામાં રાજ્યના ઘણા વિસ્તારોમાં ભારે વરસાદની શક્યતા વ્યક્ત કરી છે. તેમણે એમ પણ કહ્યું કે વેસ્ટર્ન ડિસ્ટર્બન્સના કારણે ગુજરાતમાં અસ્થિરતા સર્જાશે, જેના કારણે 3, 4 અને 5 ફેબ્રુઆરી દરમિયાન રાજ્યના ઘણા વિસ્તારોમાં ભારે વરસાદની શક્યતા છે.

અંબાલાલ પટેલની આગાહી
હવામાનશાસ્ત્રી અંબાલાલ પટેલે જણાવ્યું હતું કે 28 જાન્યુઆરીથી રાજ્યમાં હવામાનમાં મોટો ફેરફાર થશે. 30-31 જાન્યુઆરી દરમિયાન રાજ્યમાં કમોસમી વરસાદની આગાહી કરવામાં આવી છે. ઉત્તર ભારતમાં ભારે હિમવર્ષા થવાની શક્યતા છે. ગુજરાતમાં તેની અસરની શક્યતા સ્પષ્ટપણે દેખાઈ રહી છે. ગુજરાતના મોટાભાગના જિલ્લાઓમાં કમોસમી વરસાદ પડશે. ખાસ કરીને અમદાવાદ સહિત મધ્ય ગુજરાતમાં કમોસમી વરસાદની શક્યતા છે. ઉત્તર ગુજરાત અને દક્ષિણ ગુજરાત સહિતના જિલ્લાઓમાં વરસાદની શક્યતા છે.