September 12, 2026
હાલમાં, ગુજરાતમાં ૧૮ ટકા વરસાદની ખાધ નોંધાઈ છે, પરંતુ બંગાળની ખાડીમાં મજબૂત વરસાદી સિસ્ટમ અને લો પ્રેશર સક્રિય થયા છે, જેના કારણે વરસાદી સ્થિતિ સર્જાઈ છે. દક્ષિણ ગુજરાત અને આસપાસના વિસ્તારોમાં ઉપલા હવા પરિભ્રમણ અને ચોમાસાનો પ્રવાહ સહિત કુલ ત્રણ વરસાદી સિસ્ટમ સક્રિય થઈ છે. આ નવી સિસ્ટમની અસર ૧૨ સપ્ટેમ્બરની સાંજથી ગુજરાતમાં શરૂ થવાની શક્યતા છે, જેના કારણે પૂર્વ, મધ્ય અને દક્ષિણ ગુજરાતમાં વરસાદ શરૂ થશે. આ સિસ્ટમની અસર ૧૬ થી ૧૭ સપ્ટેમ્બર દરમિયાન રાજ્યમાં અનુભવાશે.
દક્ષિણ ગુજરાત અને સૌરાષ્ટ્રમાં ચેતવણી
૧૩ સપ્ટેમ્બરે દક્ષિણ ગુજરાતના ડાંગ, નવસારી, વલસાડ, દમણ અને દાદરા નગર હવેલીમાં ભારેથી અતિ ભારે વરસાદની આગાહી સાથે ઓરેન્જ એલર્ટ જારી કરવામાં આવ્યું છે. ૧૨ અને ૧૩ સપ્ટેમ્બરે દક્ષિણ સૌરાષ્ટ્ર સહિત સૌરાષ્ટ્રના અમરેલી, ભાવનગર, મહુવા અને બોટાદમાં ભારે વરસાદની સંભાવના છે, જ્યારે રાજકોટ, સુરેન્દ્રનગર, મોરબી, ધ્રાંગધ્રા, દ્વારકા, પોરબંદર અને જામનગરમાં પણ વરસાદ પડી શકે છે. ૧૫ સપ્ટેમ્બરે પોરબંદર, ગીર સોમનાથ અને દીવમાં યલો એલર્ટ જારી કરવામાં આવ્યું છે. દરિયામાં પવન અને મોજા ઉછળવાની શક્યતાને કારણે ૧૨ થી ૧૫ સપ્ટેમ્બર સુધી માછીમારોને દરિયામાં ન જવાની કડક સલાહ આપવામાં આવી છે.
અમદાવાદ અને મધ્ય ગુજરાતની સ્થિતિ
આજે ૧૨ સપ્ટેમ્બરે અમદાવાદમાં હળવો વરસાદ પડવાની આગાહી છે, પરંતુ ૧૩ સપ્ટેમ્બરે અમદાવાદ સહિત કેટલાક જિલ્લાઓમાં યલો એલર્ટ જારી કરવામાં આવ્યું છે. મધ્ય ગુજરાતના વડોદરા, આણંદ અને પંચમહાલમાં પણ ભારેથી અતિ ભારે વરસાદ પડી શકે છે. આગામી દિવસોમાં આ વિસ્તારોમાં ૨ થી ૩ ઇંચ કે તેથી વધુ વરસાદ પડવાની પ્રબળ સંભાવના છે.
વીજળીની ચેતવણી અને આવનારી સિસ્ટમ
આગામી દિવસોમાં ભારે પવન અને ગાજવીજ સાથે વરસાદ પડવાની શક્યતા હોવાથી લોકોને વીજળીની ઘટનાઓથી સાવધ રહેવા ખાસ અપીલ કરવામાં આવી છે. વર્તમાન સિસ્ટમ 17 સપ્ટેમ્બર સુધી અસર કરશે, ત્યારબાદ 18 સપ્ટેમ્બરની આસપાસ બીજી નવી વરસાદી સિસ્ટમ સક્રિય થવાની શક્યતા હવામાન વિભાગે વ્યક્ત કરી છે.
Trending News
10 જિલ્લામાં ભારે વરસાદ
હવામાન વિભાગે 12 થી 17 સપ્ટેમ્બર દરમિયાન ગુજરાતમાં હળવાથી મધ્યમ વરસાદની આગાહી કરી છે. જોકે, 12 થી 15 સપ્ટેમ્બર દરમિયાન કેટલાક વિસ્તારોમાં ભારે વરસાદની શક્યતા છે. IMD ના 11 સપ્ટેમ્બરના બુલેટિન મુજબ, 12 સપ્ટેમ્બરે ગુજરાત ક્ષેત્રમાં ભારે વરસાદ અને 13-14 સપ્ટેમ્બરે ખૂબ ભારે વરસાદની ચેતવણી આપવામાં આવી છે. 12 સપ્ટેમ્બરે વલસાડ, નવસારી, ડાંગ, સુરત, તાપી, ભરૂચ, નર્મદા, વડોદરા, છોટાઉદેપુર અને આણંદ જિલ્લામાં છૂટાછવાયા સ્થળોએ ભારે વરસાદની આગાહી કરવામાં આવી છે. દક્ષિણ ગુજરાતના જિલ્લાઓમાં વરસાદની અસર વધુ દેખાઈ શકે છે. IMD એ આ દિવસે ગુજરાત પ્રદેશ માટે ભારે વરસાદની ચેતવણી જારી કરી છે.
આગામી દિવસોમાં શું જોવા મળશે?
હાલની આગાહી મુજબ, 12 થી 14 સપ્ટેમ્બર દરમિયાન ગુજરાતમાં વરસાદની તીવ્રતા વધશે, 13 અને 14 સપ્ટેમ્બરના રોજ કેટલાક વિસ્તારોમાં ખૂબ જ ભારે વરસાદ પડી શકે છે. ત્યારબાદ, 15 સપ્ટેમ્બરના રોજ વરસાદની તીવ્રતા ઓછી થશે અને 16-17 સપ્ટેમ્બરના રોજ ભારે વરસાદની ચેતવણી આપવામાં આવશે નહીં.