March 27, 2026
ગુજરાતમાં બદલાતા હવામાન વચ્ચે, પ્રખ્યાત હવામાન નિષ્ણાત અને જ્યોતિષી અંબાલાલ પટેલે આગામી મહિનાઓ માટે મહત્વપૂર્ણ આગાહીઓ કરી છે. માર્ચના અંતથી જૂન સુધી, રાજ્ય કુદરતી આફતો અને ભારે ગરમીના બેવડા પ્રકોપનો ભોગ બનવાની સંભાવના છે. 26 માર્ચ પછી, માર્ચના છેલ્લા અઠવાડિયામાં હવામાનમાં ધરખમ ફેરફાર થશે. એક પછી એક વેસ્ટર્ન ડિસ્ટર્બન્સના આગમનને કારણે, ગુજરાતનું વાતાવરણ બદલાશે.
એપ્રિલની શરૂઆત ખેડૂતો માટે ચિંતાજનક બની શકે છે. 4 થી 10 એપ્રિલ સુધી વેસ્ટર્ન ડિસ્ટર્બન્સની ભારે અસર થશે. કેટલાક વિસ્તારોમાં 40 થી 50 કિમી પ્રતિ કલાકની ઝડપે પવન ફૂંકાઈ શકે છે. ‘પ્રી-મોન્સૂન એક્ટિવિટી’ને કારણે એપ્રિલના બીજા અઠવાડિયામાં ગુજરાત અને સૌરાષ્ટ્રમાં વરસાદ પડવાની શક્યતા છે.
અંબાલાલ પટેલના મતે, હાલમાં મધ્યમ સ્તરનું વેસ્ટર્ન ડિસ્ટર્બન્સ સક્રિય થયું છે, જેની અસર ઉત્તર ભારતના પર્વતીય વિસ્તારોમાં હિમવર્ષા તરીકે જોવા મળશે. જોકે, ગુજરાતમાં તેની અસર મર્યાદિત રહેશે. પરંતુ 24 માર્ચની આસપાસ, બીજો પશ્ચિમી વિક્ષેપ આવશે, જેના કારણે ઉત્તર ગુજરાત, મધ્ય ગુજરાત અને કચ્છના કેટલાક ભાગોમાં વાદળછાયું વાતાવરણ રહેશે.
કમોસમી વરસાદની આશંકા હોવાથી, અંબાલાલ પટેલે ખેડૂતોને સાવચેત રહેવા અપીલ કરી છે. તેમણે ખેતરોમાં કાપેલા અથવા ખુલ્લામાં રાખેલા માલને સુરક્ષિત સ્થળે ખસેડવા અથવા ઢાંકીને રાખવા સૂચના આપી છે. આ ઉપરાંત, વેપારીઓ અને ખેડૂતોનો માલ APMC (માર્કેટ યાર્ડ) માં ભીનો ન થાય તેનું ધ્યાન રાખવા કહેવામાં આવ્યું છે.
Trending News
આ વર્ષે ઉનાળો ગરમ રહેવાની આગાહી છે. એપ્રિલના મધ્યથી ગરમી વધશે અને મે મહિના દરમિયાન તાપમાન 47 ડિગ્રી સેલ્સિયસ સુધી પહોંચી શકે છે. ભીષણ ગરમીને કારણે સામાન્ય જનજીવન પ્રભાવિત થવાની સંભાવના છે.