November 21, 2024
રોલ્સ રોયસ હંમેશા લક્ઝરી વાહનો માટે જાણીતી છે. આ કાર મેન્યુફેક્ચરિંગ કંપની હવે એક એવી કાર લાવી છે જેની કેબિન 18 કેરેટ સોનાની બનેલી છે. આ કારને આઇકોનિક ફિલ્મ જેમ્સ બોન્ડમાં જોવા મળેલી રોલ્સ રોયસ કારને ધ્યાનમાં રાખીને ડિઝાઇન કરવામાં આવી છે. આ ફિલ્મના વિલન ગોલ્ડફિંગરે આ ફિલ્મમાં રોલ્સ રોયસ ફેન્ટમનો ઉપયોગ કર્યો હતો.
રોલ્સ રોયસ ગોલ્ડફિંગરની ડિઝાઇન
રોલ્સ રોયસ વિવિધ રીતે વાહનોને કસ્ટમાઇઝ કરવા માટે જાણીતી છે. સોનાથી બનેલી આ કારને વર્ષ 1937ની ફેન્ટમ III જેવી ડિઝાઇન કરવામાં આવી છે, જે ડબલ ટોન કોમ્બિનેશન સાથે આવે છે. આ વાહન કાળા અને પીળા કલરની સાથે લાવવામાં આવ્યું છે. આ વાહન પર સ્પિરિટ ઓફ એકસ્ટસી સ્ટેચ્યુ 18-કેરેટ સોનાથી કોટેડ છે. આ લક્ઝરી કારમાં ફ્લોટિંગ સિલ્વર હબકેપ્સ સાથે 21 ઈંચના બ્લેક વ્હીલ્સ છે. આ વ્હીલ્સથી કારને ગોલ્ડફિંગરની કાર જેવી બનાવવામાં આવી છે.
આ રોલ્સ રોયસ કાર 18 કેરેટ સોનાની બનેલી છે, જેમ્સ બોન્ડ ફિલ્મ સાથે છે ખાસ કનેક્શન
Trending News
કારનું ઈન્ટિરિયર સોનાનું બનેલું છે
રોલ્સ રોયસ ગોલ્ડફિંગરની કેબિનમાં રહેલા તત્વો સોનાના બનેલા છે. આ કારમાં 18 કેરેટની સોનાની પટ્ટી લગાવવામાં આવી છે. 1964ની ફિલ્મમાં ગોલ્ડ ફિંગરે એક લાઈન કહી હતી – ‘આ સોનું છે, મિસ્ટર બોન્ડ’, આ લાઈન ગ્લોવબોક્સ પર લખવામાં આવી છે, જેથી ફિલ્મની થીમ સમગ્ર ઈન્ટીરીયરમાં જોઈ શકાય. ફિલ્મમાં ગોલ્ડફિંગર કાર દ્વારા સોનાની દાણચોરી કરતો હતો.
આ લોગો ગોલ્ડફિંગરની કાર પર લગાવવામાં આવ્યો હતો
રોલ્સ-રોયસ ફેન્ટમ ગોલ્ડફિંગરની બૂટ-સ્પેસમાં 007-લોગો પ્રોજેક્ટર ઇન્સ્ટોલ કરવામાં આવ્યું છે. આ વાહનની લાઇસન્સ પ્લેટ પર AU 1 લખાયેલું છે, કારણ કે રસાયણશાસ્ત્રમાં સોનાનું પ્રતીક એયુ છે. આનાથી વાહન સોનાના બનેલા હોવાની માહિતી મળે છે.