November 21, 2024
નોર્થ ઇસ્ટ સ્મોલ ફાઇનાન્સ બેંક (NESFB) એ તેની ફિક્સ્ડ ડિપોઝિટ (FD) વ્યાજ દરમાં વધારો કર્યો છે. બેંકે સામાન્ય લોકો માટે વ્યાજ દરમાં 0.50 ટકાનો વધારો કર્યો છે. હવે વરિષ્ઠ નાગરિકોને સૌથી વધુ 9.75 ટકા અને સામાન્ય લોકોને 9.25 ટકા વ્યાજ મળશે.
NESFB એ ભારતના ઉત્તર-પૂર્વ વિસ્તારમાં સ્થિત એક નાની ફાઇનાન્સ બેંક છે. તેની સ્થાપના 2017 માં કરવામાં આવી હતી. NESFBનું મુખ્ય મથક ગુવાહાટી, આસામમાં છે. તે ઉત્તર-પૂર્વના તમામ રાજ્યોમાં તેની સેવાઓ પ્રદાન કરે છે.
NESFB એ માહિતી આપી છે કે તેણે FD પર વ્યાજ દર 9.25% થી વધારીને 9.75% કર્યા છે. જો તમે વરિષ્ઠ નાગરિક છો અને 546 થી 1111 દિવસ માટે 1 કરોડથી 5 કરોડ રૂપિયાની FD કરો છો, તો તમને 9.75% સુધી વ્યાજ મળશે. આ વ્યાજ દર નોન-કૉલેબલ ડિપોઝિટ પર લાગુ થશે.
તે જ સમયે સામાન્ય લોકોને 1 કરોડથી 5 કરોડ રૂપિયાની નોન-કોલેબલ ડિપોઝિટ પર 9.25% સુધી વ્યાજ મળશે. બેંક સામાન્ય લોકોને રૂ. 5 કરોડ સુધીની કોલેબલ ડિપોઝીટ પર 9% સુધીના વ્યાજ દર ઓફર કરી રહી છે.
Trending News
તમને કૉલેબલ ડિપોઝિટ પર 9.50% વ્યાજ મળશે. કૉલેબલ ડિપોઝિટ એ એવી પ્રકારની એફડી છે જેમાં બેંકને પાકતી તારીખ પહેલાં ડિપોઝિટ ઉપાડવાનો અધિકાર છે. નોન-કૉલેબલ થાપણો વિપરીત છે.