November 21, 2024
સાંસદો અને ધારાસભ્યો એવી જગ્યાએ છે જ્યાં તેઓ લોકોના વિચારો સરકાર સુધી પહોંચાડી શકે. જાહેર સલામતી માટે નીતિઓ બનાવી શકે. તેમને દરેક પગલામાં મદદ કરે. પરંતુ તમને જાણીને નવાઈ લાગશે કે દેશના 151 વર્તમાન સાંસદો અને ધારાસભ્યો પર મહિલાઓ પર બર્બરતાના ગંભીર આરોપ છે. કેટલાક વિરૂદ્ધ છેડતીનો, કેટલાકની હત્યાનો, કેટલાક પર મારપીટનો અને કેટલાક પર અભદ્રતાનો કેસ નોંધવામાં આવ્યો છે.
આ લોકોએ ખુદ પોતાના ચૂંટણી એફિડેવિટમાં આ વાત કહી છે. નોંધનીય છે કે તેમાંથી પશ્ચિમ બંગાળમાં સૌથી વધુ સાંસદો અને ધારાસભ્યો છે. કોલકાતાની આરજી કાર મેડિકલ કોલેજમાં જુનિયર ડોક્ટરની હત્યાની ઘટના વચ્ચે ADARનો આ રિપોર્ટ ડરામણો છે.
એસોસિએશન ફોર ડેમોક્રેટિક રિફોર્મ્સ (ADR) એ 2019 અને 2024ની લોકસભા ચૂંટણીમાં જીતેલા 4,693 સાંસદો અને ધારાસભ્યોના સોગંદનામાની તપાસ કરી. તેમાંથી 16 સાંસદો અને 135 ધારાસભ્યો એવા મળી આવ્યા હતા જેમના પર મહિલાઓ સાથે બળાત્કારનો આરોપ છે. તેમાંથી 25 સાંસદ-ધારાસભ્ય એકલા પશ્ચિમ બંગાળના છે. આ પછી આંધ્ર પ્રદેશમાંથી 21 અને ઓડિશામાંથી 17 સાંસદ-ધારાસભ્ય છે. આ રિપોર્ટ એવા સમયે આવ્યો છે જ્યારે કોલકાતાની આરજી કાર કોલેજમાં જુનિયર ડોક્ટરની હત્યા અને થાણેમાં બે છોકરીઓ સાથે શરમજનક કૃત્યને કારણે દેશભરમાં ખળભળાટ મચી ગયો છે.
ADR રિપોર્ટ દર્શાવે છે કે 16 સાંસદો અને ધારાસભ્યો છે જેમની સામે બળાત્કારના કેસ નોંધાયા છે. જો તેની સામે આ આરોપો સાબિત થાય છે તો તેને ઓછામાં ઓછી 10 વર્ષની જેલની સજા થઈ શકે છે. તેમને આજીવન કેદ પણ થઈ શકે છે. જેમાંથી 2 સાંસદ અને 14 ધારાસભ્યો છે. કેટલાક નેતાઓ એવા છે કે જેમના પર એક જ મહિલા પર વારંવાર અત્યાચાર કરવાનો આરોપ છે.
Trending News
ભાજપના સૌથી વધુ 54 સાંસદો અને ધારાસભ્યો વિરૂદ્ધ મહિલાઓ વિરૂદ્ધ અપરાધોના કેસ નોંધાયેલા છે. આ પછી કોંગ્રેસના 23 સાંસદો-ધારાસભ્યો અને ચંદ્રાબાબુ નાયડુની પાર્ટી ટીડીપીના 17 સાંસદ-ધારાસભ્ય છે. ભાજપ અને કોંગ્રેસના 5-5 સાંસદો અને ધારાસભ્યો છે, જેમના પર મહિલાઓ પર બળાત્કારનો આરોપ છે.
એડીઆરનું કહેવું છે કે જો ચૂંટણીમાં સુધારા કરવા હોય તો સૌથી પહેલા આપણે ગુનાહિત પૃષ્ઠભૂમિ ધરાવતા નેતાઓને ટિકિટ આપવાનું ટાળવું પડશે. ખાસ કરીને એવા લોકોને ટિકિટ ન આપવી જોઈએ જેમના પર બળાત્કાર જેવા ગંભીર આરોપ છે. તેમની સામેનો કેસ ફાસ્ટ ટ્રેક કોર્ટમાં ચાલવો જોઈએ.