March 17, 2026
રાજ્ય ફરી એકવાર કમોસમી વરસાદનો ભય અનુભવી રહ્યું છે. આવતીકાલથી 20 માર્ચ સુધી ગુજરાતના ઘણા જિલ્લાઓમાં વરસાદ પડી શકે છે. રાજ્યના હવામાન વિભાગ દ્વારા આ આગાહી કરવામાં આવી છે. 18 થી 20 માર્ચ દરમિયાન ગુજરાતમાં કમોસમી વરસાદની આગાહી છે.
હવામાન વિભાગના ડિરેક્ટર એ.કે. દાસે માહિતી આપી હતી કે અપર એર સાયક્લોનિક સર્ક્યુલેશન સિસ્ટમ સક્રિય થઈ ગઈ છે. જેના કારણે 18 થી 20 માર્ચ દરમિયાન ગુજરાતમાં કમોસમી વરસાદની આગાહી કરવામાં આવી છે. 18 થી 19 માર્ચ દરમિયાન ગાજવીજ અને ભારે પવન સાથે વરસાદની શક્યતા છે.
આવતીકાલે, 18 માર્ચે, બનાસકાંઠા, પાટણ, સાબરકાંઠા, જામનગર, મોરબી, કચ્છ જેવા જિલ્લાઓમાં પવન, ગાજવીજ અને વીજળી સાથે કમોસમી વરસાદની આગાહી કરવામાં આવી છે.
૧૯ માર્ચ, ગુરુવારના રોજ બનાસકાંઠા, પાટણ, પંચમહાલ, ભરૂચ, સુરત, ડાંગ, તાપી, નવસારી, વલસાડ, દમણ, દાદરા અને નગર હવેલી, સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં ભારે પવન અને ગાજવીજ સાથે કમોસમી વરસાદની આગાહી કરવામાં આવી છે.
Trending News
અંબાલાલ પટેલે જણાવ્યું હતું કે રાજ્યમાં હવામાનમાં મોટો ફેરફાર થવાની સંભાવના છે. ૧૮ થી ૨૦ માર્ચ દરમિયાન મજબૂત પશ્ચિમી વિક્ષોભની અસરને કારણે ગરમી વચ્ચે વરસાદ થવાની આગાહી કરવામાં આવી છે. ૨૬ એપ્રિલ પછી ગરમીમાં વધારો થવાની સંભાવના છે, તાપમાન ૪૩ ડિગ્રી સેલ્સિયસ સુધી પહોંચી શકે છે.