December 01, 2025
ગુજરાતના ઘણા વિસ્તારોમાં હાલમાં ભારેથી અતિ ભારે વરસાદ પડી રહ્યો છે. જેના કારણે રાજ્યની નદીઓમાં નવા પાણી આવી રહ્યા હોવાથી લોકો ખુશ છે. ત્યારે આપણે આગામી સાત દિવસ માટે ગુજરાતના હવામાન વિશે જાણવું જોઈએ. હવામાન વિભાગની આગાહી મુજબ, આગામી સાત દિવસ માટે ખૂબ જ ભારેથી અતિ ભારે વરસાદની આગાહી છે. આ સાથે, આજે ખૂબ જ ભારે વરસાદની આગાહી છે.
હવામાન વિભાગ તરફથી મળેલી માહિતી મુજબ, આજે બનાસકાંઠા, દ્વારકા, પોરબંદર, રાજકોટ, જૂનાગઢ, નવસારી, વલસાડ, દાદરા અને દમણમાં રેડ એલર્ટ આપવામાં આવ્યું છે. એટલે કે, આ જિલ્લાઓમાં ખૂબ જ ભારે વરસાદની આગાહી છે.
આ સાથે, કચ્છ, સાબરકાંઠા, અરવલ્લી, નવસારી, વલસાડ, પાટણ, મહેસાણા, ગાંધીનગર, અમદાવાદ, મહિસાગર, દાહોદ, ખેડા, પંચમહાલ, આણંદ, રાજકોટ, સુરેન્દ્રનગર, મોરબી, જામનગર, તાપી, ડાંગ જિલ્લામાં ખૂબ જ ભારે વરસાદની આગાહી સાથે ઓરેન્જ એલર્ટ જારી કરવામાં આવ્યું છે. આ સાથે વડોદરા, છોટા ઉદેપુર અને નર્મદામાં ભારે વરસાદની આગાહી કરવામાં આવી છે.
23મીએ બોટાદ, અમરેલી, ભાવનગર, અરવલ્લી, મહિસાગર, દાહોદ, પંચમહાલ, આણંદ, મહિસાગર, વડોદરા, ભરૂચ, નવસારી, વલસાડ જિલ્લામાં અતિ ભારે વરસાદની આગાહી સાથે ઓરેન્જ એલર્ટ જારી કરવામાં આવ્યું છે. આ સાથે છોટા ઉદેપુર, નર્મદા, સુરત, તાપી, ડાંગ અને ગીર સોમનાથ, જૂનાગઢ, રાજકોટ, સુરેન્દ્રનગર, અમદાવાદ, ગાંધીનગર, મહેસાણા, સાબરકાંઠા, બનાસકાંઠામાં યલો એલર્ટ સાથે ભારે વરસાદની આગાહી કરવામાં આવી છે.
