July 07, 2024
લોકસભા ચૂંટણીના પરિણામો બાદ કોંગ્રેસ નેતા રાહુલ ગાંધી શુક્રવારે (7 જૂન) બેંગલુરુની કોર્ટમાં હાજર થશે. અંગ્રેજી વેબસાઈટના અહેવાલ મુજબ, BJP MLC કેશવ પ્રસાદે કોંગ્રેસ નેતા વિરુદ્ધ માનહાનિનો કેસ દાખલ કર્યો હતો. તેમણે ભાજપને ભ્રષ્ટ ગણાવી સ્થાનિક અખબારોમાં જાહેરખબરો અંગે અરજી કરી હતી.
ભાજપ દ્વારા દાખલ કરવામાં આવેલા માનહાનિના કેસમાં રાહુલ ગાંધી આવતીકાલે બેંગલુરુની સ્થાનિક કોર્ટમાં હાજર થશે. આ પહેલા કોર્ટે કર્ણાટકના મુખ્યમંત્રી સિદ્ધારમૈયા અને પ્રદેશ કોંગ્રેસ અધ્યક્ષ ડીકે શિવકુમારને જામીન આપ્યા હતા. રાહુલ ગાંધી આ કેસમાં ચોથા આરોપી છે, જ્યારે કેરળ પ્રદેશ કોંગ્રેસ સમિતિ (KPCC), શિવકુમાર અને સિદ્ધારમૈયા પ્રથમ ત્રણ આરોપી છે.
ભાજપે આ માંગ રાહુલ ગાંધી સામે કરી હતી
કર્ણાટકના બીજેપી યુનિટે કોર્ટને રાહુલ ગાંધી સામે બિનજામીનપાત્ર વોરંટ જારી કરવાની માંગ કરી છે કારણ કે તેઓ 1 જૂને કોર્ટમાં હાજર ન થયા. જોકે કોંગ્રેસે કહ્યું હતું કે રાહુલ ગાંધી જાહેરાતના પ્રકાશનમાં સામેલ નથી, પરંતુ કોર્ટે કહ્યું હતું કે તેમણે 7 જૂને હાજર થવું પડશે.
Trending News
શું જાહેરાત હતી
ભાજપ MLC અને મહાસચિવ કેશવ પ્રસાદે કોંગ્રેસની જાહેરાતને લઈને માનહાનિનો કેસ દાખલ કર્યો હતો. કોંગ્રેસે તેની જાહેરાતમાં આરોપ લગાવ્યો હતો કે તમામ જાહેર કાર્યોના અમલ માટે 40 ટકા કમિશન લેવામાં આવે છે. જાહેરાતમાં પૂર્વ ભાજપ સરકાર પર સવાલો ઉઠાવવામાં આવ્યા હતા અને તેને ભ્રષ્ટાચારનું રેટ કાર્ડ ગણાવ્યું હતું.
કેશવ પ્રસાદે માનહાનિના કેસમાં આરોપ લગાવ્યો છે કે કોંગ્રેસે સરકારી પ્રોજેક્ટ્સમાં ભાજપ પર 40 ટકા કમિશનનો આરોપ લગાવતી આખા પાનાની જાહેરાત પ્રકાશિત કરીને ભ્રામક પ્રચાર કર્યો હતો.