March 13, 2025
મિઝોરમમાં બીજા ક્રમના સૌથી મોટા ચર્ચ સંપ્રદાય, બેપ્ટિસ્ટ ચર્ચ ઓફ મિઝોરમ (BCM) એ ઘટી રહેલી વસ્તીને ધ્યાનમાં રાખીને ‘બેબી બૂમ’ એટલે કે વધુ બાળકો પેદા કરવાની હાકલ કરી છે.
તાજેતરમાં યોજાયેલી ૧૨૯મી બેઠકમાં ચર્ચના પરિણીત સભ્યોને આ અપીલ કરવામાં આવી હતી, જેથી ધર્મનું રક્ષણ થઈ શકે. બીસીએમએ લોકોને આ મુદ્દા પ્રત્યે જાગૃત કરવાનો અને તેમને વધુ બાળકો પેદા કરવા માટે પ્રેરિત કરવાનો નિર્ણય લીધો છે જેથી મિઝો સમુદાયનું અસ્તિત્વ અને ઓળખ જાળવી શકાય.
વસ્તી ઘટી રહી છે
મિઝોરમની કુલ વસ્તી ૧૨ લાખથી વધુ છે, પરંતુ અહીં જન્મ દરમાં ઘટાડો જોવા મળી રહ્યો છે. આ ઉપરાંત, બાંગ્લાદેશથી ગેરકાયદેસર ઇમિગ્રન્ટ્સનું સતત આગમન થઈ રહ્યું છે, ખાસ કરીને બૌદ્ધ ચકમા સમુદાયમાંથી. ચર્ચને ચિંતા છે કે જો મિઝો વસ્તી આ દરે ઘટતી રહેશે, તો તેની “સમાજ, રાજ્ય, ધર્મ અને ચર્ચ” પર નકારાત્મક અસર પડશે.
Trending News
યુવાનોને પણ ચેતવણી આપવામાં આવી હતી
આ સમયગાળા દરમિયાન, યુવાનોને મૃત્યુનું કારણ બની રહેલા ડ્રગ્સના વ્યસનથી દૂર રહેવા અને HIV/AIDSના ફેલાવા તેમજ ભ્રષ્ટાચાર અને અન્ય સામાજિક દુષણો સામે લડવા અપીલ કરવામાં આવી હતી. પ્રતિનિધિઓ સંમત થયા કે તમામ સ્થાનિક ચર્ચોએ આ સામાજિક સમસ્યાઓનો સામનો કરવા માટે સમિતિઓની રચના કરવી જોઈએ.
રાજકારણ સંબંધિત દરખાસ્ત નકારી કાઢવામાં આવી હતી
જોકે, નિવૃત્ત બાપ્ટિસ્ટ ચર્ચ પાદરીઓને આજીવન રાજકારણમાં સેવા આપવા પર પ્રતિબંધ મૂકવાનો પ્રસ્તાવ નકારી કાઢવામાં આવ્યો હતો. પ્રતિનિધિઓએ એ પણ સ્વીકાર્યું કે જનતા માને છે કે જે રાજકીય પક્ષો લોકો માટે કામ કરવાનું વચન આપે છે તેઓ અપેક્ષાઓ પર ખરા ઉતરી રહ્યા નથી.