September 19, 2024
નવી દિલ્હીઃ વડાપ્રધાન નરેન્દ્ર મોદીના સત્તાવાર નિવાસસ્થાન પર એક નવા મહેમાનનું આગમન થયું છે, જે હવે તે તેમની સાથે જ રહેશે. આ નવું મહેમાન કોઇ માણસ નહીં પરંતુ વાછરડું છે. વડાપ્રધાને પોતે શનિવારે સોશિયલ મીડિયા પર આ માહિતી આપી હતી.
વડાપ્રધાન નરેન્દ્ર મોદીએ ઈન્સ્ટાગ્રામ પર એક વીડિયો પોસ્ટ કર્યો છે, જેમાં તેઓ PM હાઉસમાં એક વાછરડા સાથે જોવા મળી રહ્યા છે. PM મોદી વાછરડાને પ્રેમથી રમાડી રહ્યા છે. વડાપ્રધાને કહ્યું કે, તેમણે આ નવા વાછરડાનું નામ ‘દીપજ્યોતિ’ રાખ્યું છે.
PM મોદીએ ઈન્સ્ટાગ્રામ પર પોસ્ટ કરીને લખ્યું છે કે, ‘આપણા શાસ્ત્રોમાં કહેવામાં આવ્યું છે – ગાવ: સર્વસુખ પ્રદા:’. લોક કલ્યાણ માર્ગ પરના વડાપ્રધાન ગૃહ પરિવારમાં નવા સભ્યનું શુભ આગમન થયું છે. વડાપ્રધાન આવાસમાં પ્રિય માતા ગાયે નવા વાછરડાને જન્મ આપ્યો છે, જેના કપાળ પર પ્રકાશનું નિશાન છે. તેથી, મેં તેમનું નામ ‘દીપજ્યોતિ’ રાખ્યું છે.
જણાવી દઇએ કે આ પહેલા પણ વડાપ્રધાન આવાસમાંથી PM મોદીના ગાય સાથેના વીડિયો અને તસવીરો સામે આવી ચુકી છે.
