September 08, 2024
ગુજરાતમાં થોડા દિવસોથી વરસાદની પેટર્ન બદલાઈ હોય તેવું લાગી રહ્યું છે. રાજ્યના કેટલાક ભાગોમાં મુશળધાર વરસાદ છે, કેટલીક જગ્યાએ ધીમી ધારે છે તો કેટલીક જગ્યાએ બિલકુલ વરસાદ નથી. જ્યાં મેઘરાજા વરસતા હોય ત્યાં લોકો વરપને જોવા તરસ્યા હોય અને જ્યાં વરસાદ ન હોય ત્યાં લોકો બેફામથી કંટાળી ગયા હતા. ત્યારે ગુજરાતમાં છેલ્લા 24 કલાકમાં 102 તાલુકાઓમાં વરસાદ નોંધાયો છે. જ્યારે 40 તાલુકાઓમાં આજે સવારે 6 થી 8 વાગ્યા સુધી વરસાદ નોંધાયો છે. છેલ્લા 26 કલાકમાં પોરબંદરમાં સૌથી વધુ 17 ઈંચ વરસાદ નોંધાયો છે.
છેલ્લા 24 કલાકમાં ગુજરાતમાં 102 તાલુકાઓમાં વરસાદ નોંધાયો છે. જેમાં પોરબંદર તાલુકામાં સૌથી વધુ વરસાદ નોંધાયો છે.આંકડા મુજબ પોરબંદરમાં 14 ઈંચ, કલ્યાણપુરમાં 10.4 ઈંચ, રાણાવાવમાં 9.6 ઈંચ, વેરાવળમાં 7.6 ઈંચ, કેશોદમાં 7.56 ઈંચ વરસાદ નોંધાયો છે.
આ ઉપરાંત જૂનાગઢના વંથલી અને ગીર સોમનાથના સુત્રાપાડામાં છ ઈંચથી વધુ વરસાદ નોંધાયો છે. જામજોધપુર, કુતિયાણા, માણાવદરમાં પાંચ ઈંચથી વધુ વરસાદ પડી ગયો છે.
આજે સવારે 6 થી 8 દરમિયાન ગુજરાતના 40 તાલુકાઓમાં વરસાદ નોંધાયો છે. જેમાં જૂનાગઢના કેશામાં સૌથી વધુ 3.32 ઈંચ વરસાદ નોંધાયો છે. આ સાથે પોરબંદર અને વંથલીમાં પણ ત્રણ ઈંચ જેટલો વરસાદ નોંધાયો છે. જૂનાગઢના મેંદરડા અને દેવભૂમિ દ્વારકાના ખંભાળિયામાં બે ઇંચ જેટલો વરસાદ નોંધાયો છે.
Trending News
હવામાન વિભાગના નકશામાં જણાવ્યા મુજબ આજે શુક્રવારે વલસાડ, પોરબંદર, દ્વારકામાં રેડ એલર્ટ આપવામાં આવ્યું છે. આ જિલ્લાઓમાં ભારે વરસાદની આગાહી કરવામાં આવી છે.
આ સાથે સુરત, નવસારી, દાદરાનગર હવેલી દમણ, જૂનાગઢ, અમરેલી, ગીર સોમનાથમાં ઓરેન્જ એલર્ટ આપવામાં આવ્યું છે. આ સાથે કચ્છ, જામનગર, રાજકોટ, ભાવનગર, વડોદરા, છોટાઉદેપુર, ડાંગ, નર્મદા, ભરૂચ અને તાપીમાં ભારે વરસાદની આગાહી સાથે યલો એલર્ટ આપવામાં આવ્યું છે.