September 17, 2024
ગુજરાતમાં હાલમાં ચોમાસુ સક્રિય છે અને તેની સાથે ભારે અને તોફાની વરસાદની સિસ્ટમ પણ સતત બની રહી છે. દક્ષિણ ગુજરાતથી કેરળના દરિયાકાંઠે આજે ઉત્તર ગુજરાત પર હવાનું સાયક્લોનિક સરક્યુલેશન, જ્યારે ગુજરાત અને સૌરાષ્ટ્રમાં ભારે અને મોટા વિસ્તારોને આવરી લેતા વરસાદની ચેતવણી હવામાન વિભાગ દ્વારા જારી કરવામાં આવી છે. તો આજે જોવાનું રહેશે કે ગુજરાતના કયા કયા ભાગોમાં આજે અને આગામી પાંચ દિવસ સુધી વરસાદ પડશે.
અમદાવાદ હવામાન વિભાગના નિયામક એ.કે. દાસે સોમવારે બપોરે આપેલી માહિતી મુજબ, . આજે ગુજરાતના કેટલાક વિસ્તારોમાં ભારે વરસાદની સંભાવના છે. આ સાથે માછીમારોને એક દિવસ દરિયો ન ખેડવાનું પણ કહેવામાં આવ્યું છે. તેમના જણાવ્યા મુજબ આજે એટલે કે 16મીએ સુરત, નવસારી, વલસાડ, છોટાઉદેપુર, દમણ, દાદરા નગર હવેલી, જૂનાગઢ, ગીરસોમનાથ, અમરેલી, ભાવનગર, દીવમાં રેડ એલર્ટ આપવામાં આવ્યું છે. એટલે કે આ જિલ્લાઓમાં અતિ ભારે વરસાદની શક્યતા દર્શાવવામાં આવી છે.
આ સાથે તેમણે જણાવ્યું કે વડોદરા, નર્મદા, ભરૂચ, ડાંગ, તાપી, રાજકોટ, જામનગર, પોરબંદર, દ્વારકા અને બોટાદ જિલ્લામાં ઓરેન્જ એલર્ટ આપવામાં આવ્યું છે. આ જિલ્લાઓમાં ભારે વરસાદની આગાહી કરવામાં આવી છે.
હવામાન નિષ્ણાત પરેશ ગોસ્વામીની આગાહી મુજબ 16 થી 20 જુલાઈ દરમિયાન ભારે વરસાદ પડશે.રાજ્યના અનેક વિસ્તારોમાં મેઘરાજા મન મૂકીને બેટિંગ કરશે. કેટલાક વિસ્તારોમાં 15 ઈંચ સુધી વરસાદની આગાહી કરવામાં આવી છે.
Trending News
સૌરાષ્ટ્ર, દક્ષિણ ગુજરાત અને મધ્ય ગુજરાતમાં ભારેથી અતિભારે વરસાદની આગાહી છે. 16 થી 18 જુલાઈ સુધી ભારે વરસાદની શક્યતા છે, ત્યારબાદ 20 જુલાઈ સુધી ભારેથી અતિભારે વરસાદ પડશે. સુરત, વલસાડ, નવસારી, ડાંગમાં પુષ્કળ વરસાદ પડશે. જ્યારે સૌરાષ્ટ્રમાં જામનગર, દ્વારકા ગીર-સોમનાથ, પોરબંદર, જૂનાગઢ, અમરેલીમાં પણ ભારેથી અતિભારે વરસાદ પડશે.