September 19, 2024
રાજ્યમાં છેલ્લા કેટલાક દિવસોથી અવિરત વરસાદ પડી રહ્યો છે. અનેક જિલ્લાઓમાં પૂરની સ્થિતિ સર્જાઈ હતી. દરમિયાન હવામાન વિભાગે પણ વરસાદની આગાહી કરી છે. બીજી તરફ મેટ્રોલોજિસ્ટ પરેશ ગોસ્વામીએ જણાવ્યું હતું કે આવતીકાલથી રાજ્યમાં વરસાદનું જોર વધશે. બંગાળની ખાડીમાં લો પ્રેશર સર્જાવાને કારણે ગુજરાતમાં ભારે વરસાદ પડશે.
પરેશ ગોસ્વામીની આગાહીઓ
પરેશ ગોસ્વામીના જણાવ્યા અનુસાર દક્ષિણ ગુજરાતમાં ભારે વરસાદ પડશે. ભાવનગર, સુરેન્દ્રનગર અને મોરબીમાં વરસાદનું જોર વધશે. આ ઉપરાંત બનાસકાંઠા જિલ્લાના વાવ, થરાદ અને દેવગરમાં પણ ભારે વરસાદ પડી શકે છે. અન્ય જિલ્લાઓની વાત કરીએ તો આણંદ, નડિયાદ અને કપડવંજમાં પણ વરસાદ થવાની સંભાવના છે. પરેશ ગોસ્વામીના જણાવ્યા અનુસાર ગુજરાતમાં 3 થી 9 સપ્ટેમ્બર સુધી વરસાદની સંભાવના છે.
હવામાન વિભાગની આગાહી
ગુજરાતમાં મેઘરાજા વિરામ લેતા નથી. રાજ્યના અનેક જિલ્લાઓમાં પૂર જેવી સ્થિતિ છે. હવામાન વિભાગે આગામી પાંચ દિવસ માટે વરસાદની આગાહી જાહેર કરી છે અને રાજ્યમાં ભારેથી મધ્યમ વરસાદની આગાહી કરી છે. IMD કહે છે કે ચાર સિસ્ટમ સક્રિય થવાને કારણે ગુજરાતમાં ભારે વરસાદની સંભાવના છે: ડ્રિપ્રેશન, શીયર ટ્રફ, મોનસૂન ટ્રફ શીયર ઝોન.
આ જિલ્લામાં 3 સપ્ટેમ્બરે એલર્ટ
હવામાન વિભાગે 3 સપ્ટેમ્બરે ભરૂચ, સુરતમાં ભારે વરસાદ માટે રેડ એલર્ટ જાહેર કર્યું છે. ભાવનગર, બોટાદ, આણંદ, વડોદરા, નર્મદા, તાપી, ડાંગ, નવસારી, વલસાડ, દમણ અને દાદરા નગર હવેલીમાં ભારે વરસાદ સાથે ઓરેન્જ એલર્ટ જાહેર કરવામાં આવ્યું છે. છૂટાછવાયા સ્થળોએ વરસાદ. અમરેલી, રાજકોટ, સુરેન્દ્રનગર, અમદાવાદ, ખેડા, પંચમહાલ, છોટાઉદેપુરમાં યલો એલર્ટ જાહેર કરવામાં આવ્યું છે.
Trending News
4 સપ્ટેમ્બરે આ જિલ્લામાં આગાહી
આ સિવાય 4 સપ્ટેમ્બરની વાત કરીએ તો કચ્છ, બનાસકાંઠા, વલસાડ, વાવસારી, દાદરા નગર હવેલીમાં છૂટાછવાયા વરસાદ સાથે ઓરેન્જ એલર્ટ જાહેર કરવામાં આવ્યું છે. તો મોરબી, સુરેન્દ્રનગર, પાટણ, મહેસાણા, સાબરકાંઠા, સુરત, તાપી, ડાંગમાં યલો એલર્ટ જાહેર કરવામાં આવ્યું છે.
અહીં 5મીએ વરસાદ પડી શકે છે
5 સપ્ટેમ્બરની આગાહીની વાત કરીએ તો કચ્છ, પાટણ, બનાસકાંઠા, નવસારી, વલસાડ, દાદરા નગર હવેલીમાં છૂટાછવાયા સ્થળોએ વરસાદ સાથે યલો એલર્ટ જાહેર કરવામાં આવ્યું છે.
6-7 સપ્ટેમ્બરની આગાહી
6 સપ્ટેમ્બરે રાજ્યમાં વરસાદની સ્થિતિ નબળી પડી શકે છે. નવસારી, વલસાડ, દમણ દાદરા નગર હવેલીમાં 6 તારીખે છૂટાછવાયા વરસાદ સાથે યલો એલર્ટ જાહેર કરવામાં આવ્યું છે. તો 7 સપ્ટેમ્બરે નવસારી, દાદરા નગર હવેલી અને વલસાડમાં અલગ-અલગ સ્થળોએ યલો એલર્ટ જાહેર કરવામાં આવ્યું છે.