July 05, 2024
ગયા સપ્તાહે ભારતીય શેરબજારમાં ઉત્તેજના જોવા મળી હતી. તે જ સમયે જેમણે બજારમાં નાણાંનું રોકાણ કર્યું છે તેમને પણ મોટો નફો થયો છે. ગયા અઠવાડિયે સેન્સેક્સની 3 ટોચની 10 કંપનીઓના માર્કેટ કેપમાં સામૂહિક રીતે રૂ. 1,06,125.98 કરોડનો વધારો થયો છે. ગયા સપ્તાહે HDFC બેન્ક અને ICICI બેન્કના રોકાણકારોને સૌથી વધુ ફાયદો થયો હતો.
ગયા અઠવાડિયે બીએસઈના 30 શેરોવાળા સેન્સેક્સ 217.13 પોઈન્ટ અથવા 0.28 ટકા વધ્યા હતા. એચડીએફસી બેંક, આઈસીઆઈસીઆઈ બેંક અને ઈન્ફોસીસના માર્કેટ વેલ્યુએશનમાં ગયા અઠવાડિયે વધારો થયો છે, બીજી તરફ રિલાયન્સ ઈન્ડસ્ટ્રીઝ, ટાટા કન્સલ્ટન્સી સર્વિસીસ (ટીસીએસ), ભારતી એરટેલ, સ્ટેટ બેંક ઓફ ઈન્ડિયા (એસબીઆઈ), લાઈફ ઈન્સ્યોરન્સ કોર્પોરેશન ઓફ ઈન્ડિયા (એલઆઈસી), હિન્દુસ્તાન યુનિલિવર અને આઈટીસીના માર્કેટ કેપમાં સામૂહિક રીતે રૂ. 1,01,769.1 કરોડનો ઘટાડો થયો છે.
રિપોર્ટિંગ સપ્તાહમાં HDFC બેન્કનું માર્કેટ કેપ રૂ. 52,091.56 કરોડ વધીને રૂ. 12,67,056.69 કરોડ થયું છે. ICICI બેન્કે સપ્તાહ દરમિયાન રૂ. 36,118.99 કરોડ ઉમેર્યા હતા, જેનું મૂલ્યાંકન રૂ. 8,13,914.89 કરોડ થયું હતું. ઇન્ફોસિસનું માર્કેટ કેપ રૂ. 17,915.43 કરોડ વધીને રૂ. 6,35,945.80 કરોડ થયું છે.
આ વલણથી વિપરીત રિલાયન્સ ઇન્ડસ્ટ્રીઝનું માર્કેટ વેલ્યુએશન રૂ. 32,271.31 કરોડ ઘટીને રૂ. 19,66,686.57 કરોડ થયું હતું. LICના માર્કેટ કેપમાં રૂ. 27,260.74 કરોડનું નુકસાન થયું હતું અને તે ઘટીને રૂ. 6,47,616.51 કરોડ થયું હતું. ITCનું મૂલ્યાંકન રૂ. 14,357.43 કરોડ ઘટીને રૂ. 5,23,858.91 કરોડ અને હિન્દુસ્તાન યુનિલિવરનું મૂલ્યાંકન રૂ. 8,904.95 કરોડ ઘટીને રૂ. 5,73,617.46 કરોડ થયું હતું.
Trending News
TCSનું માર્કેટ કેપિટલાઇઝેશન રૂ. 8,321.6 કરોડ ઘટીને રૂ. 13,78,111.45 કરોડ થયું છે. ભારતી એરટેલનું મૂલ્યાંકન રૂ. 7,261.72 કરોડ ઘટીને રૂ. 8,04,262.65 કરોડ થયું હતું. SBIનું માર્કેટ કેપ રૂ. 3,391.35 કરોડ ઘટીને રૂ. 7,46,454.54 કરોડ થયું હતું.
ટોપ-10 કંપનીઓની યાદીમાં રિલાયન્સ ઈન્ડસ્ટ્રીઝ પ્રથમ સ્થાને રહી. આ પછી TCS, HDFC બેંક, ICICI બેંક, ભારતી એરટેલ, સ્ટેટ બેંક ઓફ ઈન્ડિયા, LIC, ઈન્ફોસિસ, હિન્દુસ્તાન યુનિલિવર અને ITC અનુક્રમે ક્રમે છે.