November 21, 2024
Gold Price Today : તહેવારો પહેલા સોના-ચાંદીના ભાવમાં ઝડપથી વધારો થવા લાગ્યો છે. ખાસ કરીને સોનું સતત વધી રહ્યું છે. કોમોડિટી માર્કેટની સાથે બુલિયન માર્કેટમાં મેટલ્સ પણ મોંઘી થઈ રહી છે. બુલિયન માર્કેટમાં સોનું રૂ. 75,600ની ઉપર અને ચાંદી રૂ. 91,000ની ઉપર પહોંચી ગઈ છે. જો કે, શુક્રવારે (20 સપ્ટેમ્બર) વાયદા બજારમાં થોડી મંદી છે.
આજે સવારે, એમસીએક્સ (મલ્ટી-કોમોડિટી એક્સચેન્જ) પર, સોનું રૂ. 87 વધીને રૂ. 73,525 પ્રતિ 10 ગ્રામ પર હતું. ગઈકાલે તે રૂ.73,438 પર બંધ રહ્યો હતો. આ સમયગાળા દરમિયાન ચાંદીના ભાવમાં 181 રૂપિયાનો ઘટાડો થયો હતો અને તે 89,787 રૂપિયા પ્રતિ કિલો પર ટ્રેડ થઈ રહ્યો હતો. ગઈ કાલે તે રૂ.89,968 પર બંધ થયો હતો. જો કે, તે દિવસના કારોબારમાં રૂ. 91,000ના સ્તરને પણ સ્પર્શી ગયો હતો.
બુલિયન માર્કેટમાં ભાવ વધ્યા હતા
ગુરુવારે રાષ્ટ્રીય રાજધાનીમાં સોનાની કિંમત 100 રૂપિયા વધીને 75,650 રૂપિયા પ્રતિ 10 ગ્રામ થઈ ગઈ છે. યુએસ ફેડરલ રિઝર્વ દ્વારા વ્યાજદરમાં ઘટાડો કર્યા બાદ સ્થાનિક જ્વેલર્સની વધતી માંગ અને મજબૂત વૈશ્વિક સંકેતોને કારણે આ વધારો થયો છે. બુધવારે 99.9 ટકા શુદ્ધતાનું સોનું 75,550 રૂપિયા પ્રતિ 10 ગ્રામ પર બંધ થયું હતું.
ઓલ ઈન્ડિયા બુલિયન એસોસિએશનના જણાવ્યા અનુસાર ચાંદીના ભાવમાં સતત છઠ્ઠા સત્રમાં વધારો થયો છે. ગુરુવારે ચાંદીની કિંમત 500 રૂપિયા વધીને 91,000 રૂપિયા પ્રતિ કિલો થઈ ગઈ છે. પાછલા સત્રમાં તે રૂ. 90,500 પ્રતિ કિલોએ બંધ રહ્યો હતો. છ ટ્રેડિંગ સેશનમાં ચાંદીના ભાવમાં પ્રતિ કિલોગ્રામ રૂ. 7,200નો વધારો થયો છે.
Trending News
આ સિવાય 99.5 ટકા શુદ્ધતાનું સોનું ગુરુવારે 100 રૂપિયા વધીને 75,300 રૂપિયા પ્રતિ 10 ગ્રામ પર પહોંચી ગયું છે. વેપારીઓએ જણાવ્યું હતું કે સ્થાનિક બજારમાં સોનાના ભાવમાં વધારો સ્થાનિક જ્વેલર્સ અને રિટેલર્સની માંગમાં તેજીને કારણે થયો હતો.