April 03, 2026
ઉનાળાની ગરમીમાં ગુજરાતમાં અચાનક વરસાદની આફત આવી છે. એવું લાગતું હતું કે ઘણા જિલ્લાઓમાં ચોમાસાનું આગમન થયું છે. ગુજરાતમાં કાળઝાળ ઉનાળામાં અચાનક થયેલા કમોસમી વરસાદે આપણને ચોમાસાની યાદ અપાવી દીધી, પરંતુ આ વરસાદ નથી, આ આફત છે. દ્વારકા જિલ્લામાં મેઘરાજાએ હાહાકાર મચાવ્યો છે. બજારોમાં નદીઓ વહેતી હોય તેવા દ્રશ્યો સર્જાયા હતા. આકાશમાંથી અવિરત મુશળધાર વરસાદે પાણી ભરાવાની સ્થિતિ સર્જી છે. આકાશમાંથી પડી રહેલા અવિરત વરસાદે પાણી ભરાવાની સ્થિતિ સર્જી છે. રસ્તાઓ પર નદીઓ વહેતી થઈ, ખેતરોમાં પાણી ભરાયા અને ધરતીપુત્રોના તૈયાર પાક પાણીમાં પલળી ગયા. મેઘરાજાના પ્રવેશથી જનજીવન ઠપ્પ થઈ ગયું છે. પરંતુ આફત હજુ ટળી નથી. હવામાન વિભાગ અને અંબાલાલ પટેલે ભારે વરસાદની આગાહી કરી છે.
આજે ગુજરાતમાં ફરી હવામાન બદલાયું. આજે સૌરાષ્ટ્રના કેટલાક જિલ્લાઓમાં વરસાદનું આગમન થયું. તો વાવના કેટલાક વિસ્તારોમાં હવામાનમાં પલટો જોવા મળ્યો. દ્વારકા, પોરબંદર, કચ્છમાં વરસાદ આવ્યો. દ્વારકાના કલ્યાણપુરમાં ભારે પવન ફૂંકાયો હતો. તો ખંભાળિયા પંથકમાં પણ વરસાદ પડ્યો. પોરબંદરની સાથે ભુજના ગ્રામ્ય વિસ્તારોમાં પણ વરસાદ પડ્યો. આજે રાજ્યના ઘણા વિસ્તારોમાં વાદળછાયું વાતાવરણ જોવા મળ્યું.
ઉનાળુ ચોમાસું બરાબર બેઠું થઈ ગયું છે… પરંતુ આફત હજુ ટળી નથી. હવામાન વિભાગે આગામી બે દિવસ ગાજવીજ સાથે કમોસમી વરસાદની આગાહી કરી છે. હવામાન વિભાગના ડિરેક્ટર એ.કે. દાસે જણાવ્યું હતું કે કચ્છ, બનાસકાંઠા, પાટણ, સાબરકાંઠા, મહેસાણા, દ્વારકા, રાજકોટમાં ભારે વરસાદની શક્યતા છે. તો જામનગર, પોરબંદર, જૂનાગઢ, ગીર સોમનાથ, અમરેલી, નવસારી, ડાંગ, વલસાડ, દમણ અને દાદરા-નગર હવેલીમાં વરસાદ પડશે અને અમદાવાદમાં વાદળછાયું વાતાવરણ રહેશે. પ્રખ્યાત આગાહીકાર અંબાલાલ પટેલે આગામી 48 કલાકમાં મજબૂત પશ્ચિમી વિક્ષેપની આગાહી પણ કરી છે. ૩ થી ૬ એપ્રિલ દરમિયાન સૌરાષ્ટ્રમાં ગાજવીજ સાથે વરસાદ અને ૪૦ થી ૫૦ કિમી પ્રતિ કલાકની ઝડપે પવન ફૂંકાઈ શકે છે.
કચ્છ, બનાસકાંઠા, પાટણ, સાબરકાંઠા, મહેસાણા દ્વારકા, રાજકોટ, જામનગર, પોરબંદર, જૂનાગઢ, ગીર સોમનાથ, અમરેલી, નવસારી, ડાંગ, વલસાડ, દમણ અને દાદરા-નગર હવેલી, અમદાવાદમાં વાદળછાયું વાતાવરણ રહેશે.
Trending News
આગામી ૪૮ કલાકમાં ગુજરાતમાં વધુ એક પશ્ચિમી વિક્ષેપ થવાની આગાહી છે. હવામાનશાસ્ત્રી અંબાલાલ પટેલે આગાહી કરી છે. વધુ એક મજબૂત પશ્ચિમી વિક્ષેપ આવી શકે છે. ૩ થી ૬ એપ્રિલ દરમિયાન સૌરાષ્ટ્રમાં વરસાદ પડી શકે છે. ગુજરાતના કેટલાક ભાગોમાં વાવાઝોડા પડી શકે છે. ૪૦ થી ૫૦ કિલોમીટર પ્રતિ કલાકની ઝડપે પવન ફૂંકાઈ શકે છે.