December 01, 2025
રાજ્યના ખેડૂતો હજુ પણ કમોસમી વરસાદનો ભય અનુભવશે. આજથી 5 દિવસ સુધી કમોસમી વરસાદનો કહેર જોવા મળશે. આજથી 31 ઓક્ટોબર સુધી ભારે વરસાદ પડશે. હવામાન વિભાગ અને અંબાલાલ પટેલે વ્યાપક વરસાદની આગાહી કરી છે.
ગુજરાતમાં કમોસમી વરસાદ પડશે. રાજ્ય હવામાન વિભાગની આગાહી કહે છે કે 27 થી 31 ઓક્ટોબર સુધી કમોસમી વરસાદ પડશે. હવામાન વિભાગના ડિરેક્ટર એ.કે. દાસે જણાવ્યું હતું કે હાલમાં સૌરાષ્ટ્ર અને કચ્છમાં ખૂબ જ ભારે વરસાદની આગાહી છે. 5 દિવસ સુધી વ્યાપક વરસાદ પડશે. અમદાવાદમાં સામાન્યથી મધ્યમ વરસાદની આગાહી છે. બીજી તરફ, બંગાળની ખાડીમાં એક સિસ્ટમ સક્રિય થઈ રહી છે. આને કારણે, માછીમારોને 5 દિવસ સુધી દરિયામાં ન જવાની સૂચના આપવામાં આવી છે. બંદર પર LC 3 નંબરનું સિગ્નલ લગાવવામાં આવ્યું છે.
આજની આગાહી શું છે? આજે અમરેલી, ભાવનગર, ગીર સોમનાથમાં રેડ એલર્ટ સાથે ભારેથી અતિ ભારે વરસાદની આગાહી કરવામાં આવી છે. તો, મોરબી, સુરેન્દ્રનગર, અમદાવાદ, ખેડા, મહિસાગર, અરવલ્લી, બનાસકાંઠા, પાટણ, મહેસાણા, ગાંધીનગર, દાહોદ, પંચમહાલ, વડોદરા, છોટા ઉદેપુર, નર્મદા, તાપી, ડાંગ, વલસાડ, ભાવનગર, જામનગર, દેવભૂમિ દ્વારકા, રાજકોટ, મોરબી, પોરબંદરમાં યલો એલર્ટ સાથે ભારે વરસાદની આગાહી કરવામાં આવી છે. આ ઉપરાંત જૂનાગઢ, બોટાદ, આણંદ, ભરૂચ, સુરત, નવસારીમાં ઓરેન્જ એલર્ટ સાથે ખૂબ જ ભારે વરસાદની આગાહી કરવામાં આવી છે.
હવામાનશાસ્ત્રી અંબાલાલ પટેલે વરસાદ અંગે આગાહી કરી હતી
અંબાલાલ પટેલે જણાવ્યું હતું કે આગામી 24 કલાકમાં સૌરાષ્ટ્રના કેટલાક ભાગો, ઉત્તર ગુજરાતના કેટલાક ભાગો, કચ્છના કેટલાક ભાગો, મધ્ય ગુજરાતના કેટલાક ભાગોમાં વરસાદની શક્યતા રહેશે. વરસાદ ધીમે ધીમે ડુંગરપુર થઈને રાજસ્થાનના કેટલાક ભાગોમાં આગળ વધશે. જેના કારણે રાજસ્થાનમાં વરસાદની શક્યતા રહેશે. તે વેસ્ટર્ન ડિસ્ટર્બન્સ અને અરબી સમુદ્રની સિસ્ટમ અને બંગાળની ખાડીની સિસ્ટમને કારણે થઈ રહ્યું છે. આ વરસાદ ધીમે ધીમે ઓછો થશે. આફત લગભગ ઓછી થઈ જશે, પરંતુ 2 થી 5 નવેમ્બર સુધી ધીમો વરસાદ પડશે. આ સિસ્ટમની અસર કૃષિ પાક પર પણ પડે તેવી શક્યતા છે.
