December 01, 2024
દેશભરમાં હવામાનની પેટર્ન ઝડપથી બદલાઈ રહી છે. જ્યારે ઉત્તર ભારતના ભાગોમાં શિયાળાનું આગમન થઈ ગયું છે, ત્યારે ચક્રવાત ફેંગલને કારણે દક્ષિણ ભારતમાં ભારે વરસાદનો ખતરો છે. બીજી તરફ હિમાલયના વિસ્તારોમાં હિમવર્ષા શરૂ થઈ ગઈ છે. હવે ગુજરાતના વાતાવરણમાં પણ મોટો ફેરફાર થવાનો છે. દરમિયાન, અંબાલાલ પટેલની આગાહી ભયજનક છે.
અંબાલાલ પટેલે આગાહી કરી છે કે લો પ્રેશરના કારણે મુંબઈ અને દક્ષિણ ગુજરાતમાં ડિસેમ્બરના પ્રથમ સપ્તાહમાં વરસાદની આગાહી કરવામાં આવી છે. તેમણે વધુમાં જણાવ્યું છે કે ડિસેમ્બરના પ્રથમ સપ્તાહમાં દક્ષિણ ગુજરાતના ઘણા વિસ્તારોમાં કમોસમી વરસાદ પડશે. બીજી બાજુ, બંગાળની ખાડીમાં ડીપ ડિપ્રેશન, જે ચક્રવાતમાં ફેરવાશે, 29 નવેમ્બરથી 2 ડિસેમ્બર સુધી તમિલનાડુ, પોંડિચેરી અને ચેન્નાઈના ભાગોને અસર કરે તેવી શક્યતા છે.
ગુજરાતમાં શિયાળાની શરૂઆત થઈ ગઈ છે. રાજ્યના મોટાભાગના જિલ્લાઓમાં વહેલી સવારે અને સૂર્યાસ્ત બાદ ઠંડીમાં વધારો થાય છે. જોકે નવેમ્બર મહિનો પૂરો થયો હોવા છતાં હજુ અપેક્ષા મુજબ ઠંડી પડી રહી નથી. આવા સંજોગોમાં જાણીતા હવામાન નિષ્ણાત અંબાલાલ પટેલે આગામી દિવસોમાં ગુજરાતના હવામાન અંગે મોટી આગાહી કરી છે. અંબાલાલ પટેલના જણાવ્યા અનુસાર ડિસેમ્બરના પ્રથમ સપ્તાહ સુધી ગુજરાતમાં ઠંડીનું મોજું આવવાની કોઈ શક્યતા નથી.
જો કે ઉત્તર ગુજરાતના મહેસાણા, બનાસકાંઠા, સાબરકાંઠા તેમજ પંચમહાલ અને કચ્છમાં લઘુત્તમ તાપમાન 12 ડિગ્રી સુધી નીચે જઈ શકે છે. જ્યારે 4 ડિસેમ્બર બાદ વાદળો દેખાવા લાગતાં ધીમે ધીમે લઘુત્તમ તાપમાન વધવા લાગશે. 8 થી 10 ડિસેમ્બર વચ્ચે ગુજરાતના કેટલાક વિસ્તારોમાં ફરી તાપમાનમાં વધારો થશે અને તાપમાનનો પારો 15 થી 16 ડિગ્રી સુધી જઈ શકે છે.
