November 21, 2024
આ વખતે નવરાત્રિ દરમિયાન જાણીતા આગાહીકાર અંબાલાલ પટેલે નવરાત્રિમાં વરસાદની શક્યતા વ્યક્ત કરી છે. જેના કારણે ખેલાડીઓ અને આયોજકો પરેશાન છે. બીજી તરફ ક્રેથોન વાવાઝોડું ધીમે ધીમે પશ્ચિમ તરફ આગળ વધી રહ્યું છે અને ટૂંક સમયમાં સુપર ટાયફૂનમાં ફેરવાઈ જશે. આ સમયગાળા દરમિયાન ફૂંકાતા જોરદાર પવનથી છત ઉડી જશે અને ઝાડ ઉખડી જશે અને પાકનો નાશ થશે. અહીંની શાળા-કોલેજોમાં પણ રજા જાહેર કરવામાં આવી છે.
દક્ષિણ એશિયાઈ દેશ ફિલિપાઈન્સમાં શક્તિશાળી તોફાન તબાહી મચાવી રહ્યું છે. 290 કિમી પ્રતિ કલાકની ઝડપે પવન ફૂંકાવાની શક્યતા છે. આ વાવાઝોડાને કારણે તમામ શાળા-કોલેજો બંધ કરી દેવામાં આવી હતી, દરિયામાંથી બોટ હટાવી લેવામાં આવી હતી અને લોકોને સલામત સ્થળે ખસેડવામાં આવ્યા હતા. સુરક્ષાના તમામ પગલાં હોવા છતાં મોટાપાયે નુકસાન થવાની આશંકા છે. આ વાવાઝોડાને ક્રેથોન નામ આપવામાં આવ્યું છે. હવામાન વિભાગના જણાવ્યા અનુસાર, કાગયાન અને બટાનાસ પ્રાંતમાં બાલિતાંગ દ્વીપના દરિયાકાંઠાના વિસ્તારોમાં 175 થી 215 કિલોમીટર પ્રતિ કલાકની ઝડપે ગેલ ફોર્સ પવનો ફૂંકાય તેવી શક્યતા છે. ટાયફૂન ક્રેથોન ધીમે ધીમે પશ્ચિમ તરફ આગળ વધી રહ્યું હતું અને જ્યારે તે મંગળવારે તાઇવાનથી ઉત્તરપૂર્વ તરફ વળે ત્યારે સુપર ટાયફૂન બની શકે છે.
હવામાન વિભાગ દ્વારા જારી કરાયેલ એલર્ટ ગુજરાતીઓનું ટેન્શન વધારશે. કારણ કે, 3 થી 12 ઓક્ટોબર દરમિયાન યોજાનાર નવરાત્રિ પર્વ દરમિયાન ગુજરાતમાં ભારે વરસાદની આગાહી કરવામાં આવી છે. હવામાન વિભાગે ઓક્ટોબરમાં ભારતના મોટાભાગના રાજ્યોમાં વરસાદની આગાહી કરી છે. આવી સ્થિતિમાં વરસાદ નવરાત્રિ-દશેરાની મજા બગાડે તેવી શક્યતા છે. આ સાથે અંબાલાલ પટેલે પણ નવરાત્રીના દિવસોમાં વરસાદની આગાહી કરી છે. અંબાલાલ પટેલે નવરાત્રી દરમિયાન અનેક શહેરોમાં વરસાદની આગાહી કરી હતી.
શરૂઆતના દિવસોમાં હળવા વરસાદની શક્યતા, પરંતુ 6 તારીખથી ભારે વરસાદ. ઓક્ટોબર મહિનો શરૂ થતા જ લોકોના જીવ તાળવે ચોંટી જાય છે. એક તરફ નવરાત્રીનો તહેવાર અને બીજી તરફ વરસાદની આગાહી. ઓક્ટોબરના પ્રથમ દિવસથી વરસાદની આગાહી કરવામાં આવી છે. હવામાન વિભાગના અપડેટ મુજબ આજે ગુજરાતમાં અનેક જગ્યાએ ભારે વરસાદ અને કેટલાક સ્થળોએ મધ્યમ વરસાદની આગાહી કરવામાં આવી છે. આ ભવિષ્યવાણી નવરાત્રીના તહેવારને સો ટકા બરબાદ કરશે.
