September 05, 2026
સપ્ટેમ્બર મહિનાની શરૂઆતથી ગુજરાતમાં વરસાદના અભાવે ખેડૂતો ચિંતિત છે. રાજ્યમાં હાલમાં લગભગ 16% વરસાદની ખાધ નોંધાઈ છે, જેમાં સૌરાષ્ટ્ર-કચ્છની સ્થિતિ વધુ ચિંતાજનક છે.
હવામાન વિભાગના જણાવ્યા અનુસાર, આગામી દિવસોમાં ગુજરાતમાં ભારે વરસાદની શક્યતા ઓછી છે. જોકે, કેટલાક વિસ્તારોમાં હળવાથી મધ્યમ વરસાદ પડી શકે છે અને આ સ્થિતિ 10 સપ્ટેમ્બર સુધી ચાલુ રહી શકે છે.
હવામાન નિષ્ણાત અંબાલાલ પટેલના જણાવ્યા અનુસાર, 15 સપ્ટેમ્બરની આસપાસ ગુજરાતમાં વરસાદનો નવો રાઉન્ડ શરૂ થઈ શકે છે. પશ્ચિમ બંગાળથી ગુજરાત તરફ એક મજબૂત સિસ્ટમ આગળ વધવાની શક્યતા છે.
14 થી 20 સપ્ટેમ્બર દરમિયાન રાજ્યના વિવિધ ભાગોમાં વરસાદ વધી શકે છે. મધ્ય ગુજરાત, ઉત્તર ગુજરાત, સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરવામાં આવી છે.
Trending News
આ ઉપરાંત, અંબાલાલ પટેલે સપ્ટેમ્બરના અંતમાં પણ વરસાદની આગાહી કરી છે. 27 સપ્ટેમ્બરથી 5 ઓક્ટોબર દરમિયાન વાવાઝોડા થવાની શક્યતા છે.