અમેરિકાએ ઈરાનના લારક ટાપુ પર કર્યો હુમલો: વળતા પ્રહારમાં ઈરાને જોર્ડનમાં અમેરિકન મિલિટરી બેઝ પર મિસાઈલો છોડી

અમેરિકા અને ઈરાન વચ્ચે છ મહિનાથી વધુ સમયથી ચાલી રહેલા સંઘર્ષમાં ફરી એકવાર તણાવ વધ્યો છે. રવિવારે અમેરિકન સેનાએ હોર્મુઝ સ્ટ્રેટમાં લારાક ટાપુ પર ઈરાની રોકેટ લોન્ચર્સ પર હુમલો કર્યો. લગભગ એક મહિનામાં અમેરિકા દ્વારા ઈરાન સામે આ પહેલી લશ્કરી કાર્યવાહી છે. આ હુમલા બાદ ઈરાને બદલો લીધો છે. ઈરાનના ઇસ્લામિક રિવોલ્યુશનરી ગાર્ડ કોર્પ્સ (IRGC) એ દાવો કર્યો છે કે તેણે લારાક ટાપુ પર અમેરિકાના હુમલાના જવાબમાં જોર્ડનમાં અમેરિકન લશ્કરી ઠેકાણાઓ પર બેલિસ્ટિક મિસાઈલોથી હુમલો કર્યો છે. ઈરાની મીડિયા અનુસાર, નિશાન કિંગ હુસૈન અને અલ-અઝરાકમાં અમેરિકન ઠેકાણા હતા.