July 25, 2026
હવામાન વિભાગે આગામી 24 કલાકમાં ગુજરાતમાં ભારે વરસાદની આગાહી કરી છે. ખાસ કરીને સૌરાષ્ટ્રના વિસ્તારોમાં ખૂબ જ ભારે વરસાદની શક્યતા વ્યક્ત કરવામાં આવી છે. આજે રાજ્યના 10 જિલ્લામાં રેડ એલર્ટ જારી કરવામાં આવ્યું છે, જ્યારે 15 જિલ્લામાં ઓરેન્જ એલર્ટ જારી કરવામાં આવ્યું છે. આ સાથે, ઉત્તર અને મધ્ય ગુજરાતના કેટલાક જિલ્લાઓ માટે કાલે પણ રેડ એલર્ટ જારી કરવામાં આવ્યું છે.
આજે આ જિલ્લાઓમાં રેડ એલર્ટ
હવામાન વિભાગે આજે રેડ એલર્ટ જારી કરીને વાવ-થરાદ, બનાસકાંઠા, પાટણ, મહેસાણા, મોરબી, સુરેન્દ્રનગર, અમદાવાદ, ગાંધીનગર, આણંદ અને ખેડા જિલ્લામાં ભારેથી અતિ ભારે વરસાદની શક્યતા વ્યક્ત કરી છે. આ જિલ્લાઓના લોકોને સતર્ક રહેવા અને બિનજરૂરી મુસાફરી ટાળવાની સલાહ આપવામાં આવી છે.
૧૫ જિલ્લામાં ઓરેન્જ એલર્ટ
Trending News
ભારે વરસાદની આગાહીને પગલે આજે સાબરકાંઠા, અરવલ્લી, મહિસાગર, દાહોદ, પંચમહાલ, વડોદરા, સુરત, નવસારી, ભરૂચ, વલસાડ, દમણ, દાદરા અને નગર હવેલી, કચ્છ, જામનગર અને બોટાદ જિલ્લામાં ઓરેન્જ એલર્ટ જારી કરવામાં આવ્યું છે. નીચાણવાળા વિસ્તારોમાં પાણી ભરાવાની અને નદીઓ અને નાળાઓમાં પાણીનું સ્તર વધવાની શક્યતા છે.
આવતીકાલે પણ ૬ જિલ્લાઓ માટે રેડ એલર્ટ
હવામાન વિભાગની આગાહી મુજબ, ભારે વરસાદની શક્યતાને ધ્યાનમાં રાખીને મહેસાણા, ગાંધીનગર, સાબરકાંઠા, સુરેન્દ્રનગર, અરવલ્લી અને મહિસાગર જિલ્લામાં કાલે રેડ એલર્ટ જારી કરવામાં આવ્યું છે.
લોકોને સાવચેત રહેવા વિનંતી
ભારે વરસાદની આગાહીને પગલે હવામાન વિભાગે લોકોને નદીઓ, નાળાઓ અને નીચાણવાળા વિસ્તારોમાં જવાનું ટાળવા, જરૂર પડે ત્યારે જ મુસાફરી કરવા અને સ્થાનિક વહીવટીતંત્ર દ્વારા આપવામાં આવેલી સૂચનાઓનું પાલન કરવાની અપીલ કરી છે. સતત વરસાદને કારણે પાણી ભરાવા અને ટ્રાફિક સમસ્યા થઈ શકે છે, તેથી સાવચેત રહેવું જરૂરી છે.
અમદાવાદ-રાજકોટ હાઇવે બંધ
અમદાવાદમાં છેલ્લા બે દિવસથી સતત પડી રહેલા ભારે વરસાદની જનજીવન પર વ્યાપક અસર પડી રહી છે. ભારે વરસાદને કારણે, ચાંગોદર અને બગોદરા નજીક અમદાવાદ-રાજકોટ હાઇવે સલામતીના કારણોસર બંને બાજુથી બંધ કરવામાં આવ્યો છે.
૨૪૨ તાલુકામાં વરસાદ
આજે સવારથી રાજ્યમાં હવામાનમાં અચાનક પલટો આવતા મેઘરાજાએ તોફાની બેટિંગ શરૂ કરી દીધી છે, જેના કારણે ૨૪૨ તાલુકામાં વ્યાપક વરસાદ નોંધાયો છે. પાટણના રાધનપુરમાં આકાશી આફતના રૂપમાં સૌથી વધુ ૮.૯ ઇંચ વરસાદ પડ્યો હતો, જેના કારણે સમગ્ર વિસ્તારમાં પાણી ભરાઈ ગયાની સ્થિતિ સર્જાઈ હતી.