June 29, 2026
ગુજરાતમાં હજુ ચોમાસુ સંપૂર્ણ રીતે પહોંચ્યું નથી. જ્યારે કેટલાક જિલ્લાઓ હજુ પણ સૂકા છે, ત્યારે હવે રાહતના સમાચાર છે. હવામાનશાસ્ત્રી અંબાલાલ પટેલે ગુજરાતમાં ભારે વરસાદની આગાહી કરી છે.
હવામાનશાસ્ત્રી અંબાલાલ પટેલના જણાવ્યા અનુસાર, આગામી 48 કલાકમાં દક્ષિણ સૌરાષ્ટ્રના કેટલાક ભાગોમાં ભારેથી અતિ ભારે વરસાદની સંભાવના છે, જ્યારે પૂર્વ ગુજરાતના વડોદરાના કેટલાક ભાગોમાં વરસાદની આગાહી કરવામાં આવી છે.
સાંજે અમદાવાદ અને ગાંધીનગરના વિસ્તારોમાં પણ હવામાનમાં ફેરફાર થવાની સંભાવના વ્યક્ત કરવામાં આવી છે. પૂર્વ ગુજરાતના પંચમહાલ સહિત કેટલાક વિસ્તારોમાં વરસાદની આગાહી કરવામાં આવી છે.
2 થી 4 જુલાઈ દરમિયાન બંગાળના અખાતમાં લો પ્રેશર બનવાની શક્યતા છે, જેના કારણે વરસાદી સિસ્ટમ સક્રિય થશે. જે ગુજરાતમાં વરસાદ લાવી શકે છે.
Trending News
12 જુલાઈ સુધીમાં ઉત્તર ગુજરાતમાં લગભગ 3 ઇંચ વરસાદ અથવા હળવો વરસાદ પડવાની શક્યતા છે. તો મહેસાણા, પાટણ, સમી, હારિજ અને અરવલ્લી વિસ્તારોમાં વરસાદની આગાહી કરવામાં આવી છે.
દક્ષિણ ગુજરાતમાં પણ ભારે વરસાદની આગાહી કરવામાં આવી છે. નવસારી, આહવા, ડાંગ, વલસાડમાં પૂર જેવી સ્થિતિની શક્યતા વ્યક્ત કરવામાં આવી છે. મધ્યપ્રદેશમાં 16 જુલાઈ સુધીમાં ભારે વરસાદની શક્યતા છે, જેના કારણે નર્મદા નદીમાં પાણી આવશે.