May 29, 2026
ગરમીથી પીડાતા ગુજરાત માટે હવે રાહતના સમાચાર છે. કાળઝાળ ગરમી વચ્ચે મેઘરાજા પ્રવેશ કરવાના છે. હવામાન વિભાગે 30 મે થી 2 જૂન દરમિયાન રાજ્યમાં ભારે વરસાદની આગાહી કરી છે. અંબાલાલ પટેલે પણ 40 થી 50 કિલોમીટર પ્રતિ કલાકની ઝડપે ગાજવીજ અને પવન સાથે ભારે વરસાદની શક્યતા વ્યક્ત કરી છે.
છેલ્લા ઘણા દિવસોથી ગુજરાતમાં લોકો ગરમીથી પીડાઈ રહ્યા છે. બપોરે રસ્તાઓ ઉજ્જડ દેખાઈ રહ્યા છે. તાપમાન 44 ડિગ્રીને પાર કરી ગયું હોવાથી જનજીવન પ્રભાવિત થયું છે. પરંતુ હવે હવામાન વિભાગની આગાહીથી લોકોને રાહત થઈ છે. હવામાન વિભાગે આગાહી કરી છે કે અરવલ્લી, મહિસાગર, તાપી અને છોટા ઉદેપુરમાં ભારે વરસાદ પડી શકે છે. વેસ્ટર્ન ડિસ્ટર્બન્સને કારણે રાજ્યના ઘણા જિલ્લાઓમાં હવામાન બદલાશે અને આગામી બે દિવસમાં 3 થી 5 ડિગ્રીનો ઘટાડો નોંધાઈ શકે છે.
30 મે ના રોજ વરસાદની આગાહી ક્યાં છે?
૩૦ મેના રોજ કચ્છ, બનાસકાંઠા, પાટણ, સાબરકાંઠા, અરવલ્લી, મહિસાગર, પંચમહાલ, દાહોદ, નર્મદા અને તાપી સહિતના જિલ્લાઓમાં વરસાદની શક્યતા છે. જ્યારે ૩૧ મેના રોજ ઉત્તર ગુજરાત અને પૂર્વ ગુજરાતના ઘણા જિલ્લાઓમાં વરસાદી માહોલ રહેશે.
Trending News
૧ જૂનના રોજ અમદાવાદ સહિત ગાંધીનગર, ખેડા, આણંદ, વડોદરા, સુરત, નવસારી, ડાંગ, વલસાડ અને સૌરાષ્ટ્ર જિલ્લામાં પણ મેઘરાજા ધમાકેદાર બેટિંગ કરી શકે છે. અમદાવાદમાં પણ સારા વરસાદની આગાહી કરવામાં આવી છે.
અંબાલાલ પટેલની આગાહી
બીજી તરફ, જાણીતા હવામાન આગાહીકાર અંબાલાલ પટેલે પણ રાજ્યમાં ભારે વરસાદની શક્યતા વ્યક્ત કરી છે. પૂર્વ ગુજરાતના જિલ્લાઓમાં ભારેથી અતિ ભારે વરસાદની આગાહી કરવામાં આવી છે. અંબાલાલ પટેલના જણાવ્યા અનુસાર, ૨૫ મેથી શરૂ થયેલ રોહિણી નક્ષત્ર ૭ જૂન સુધી ચાલશે અને જો રોહિણીના ત્રીજા અને ચોથા સમયગાળામાં વરસાદ પડે તો આ વર્ષે ચોમાસુ સારું રહેવાની શક્યતા વધુ મજબૂત બને છે.
હાલમાં ચોમાસુ અરબી સમુદ્ર તરફ આગળ વધી રહ્યું છે. અને ગુજરાતમાં પ્રિ-મોન્સૂન એક્ટિવિટી વધુ મજબૂત બની રહી હોવાથી ખેડૂતોમાં પણ ખુશીનો માહોલ છે. એક તરફ ગરમીથી કંટાળી ગયેલા ગુજરાતીઓને રાહત મળશે અને બીજી તરફ વરસાદની આગાહીથી ખેડૂતોમાં પણ ખુશીની લહેર ફેલાઈ ગઈ છે. હવે બધાની નજર મેઘરાજાના પ્રવેશ પર છે. હાલમાં ચોમાસુ અરબી સમુદ્ર તરફ આગળ વધી રહ્યું છે.