February 26, 2026
સામાન્ય રીતે હોળીના તહેવારની આસપાસ ગુજરાતમાં શિયાળો સમાપ્ત થાય છે, પરંતુ આ વર્ષે કુદરત અલગ જ મિજાજ બતાવી રહી છે. છેલ્લા કેટલાક દિવસોથી રાજ્યના ઘણા ભાગોમાં વાદળછાયું વાતાવરણ અને કમોસમી વરસાદ જોવા મળી રહ્યો છે. હવામાન વિભાગ અને નિષ્ણાતોના જણાવ્યા અનુસાર, આગામી દિવસોમાં રાજ્યના વિવિધ ભાગોમાં હજુ પણ વરસાદી વાતાવરણ રહી શકે છે.
અંબાલાલ પટેલની આગાહી
હવામાન નિષ્ણાત અંબાલાલ પટેલના જણાવ્યા અનુસાર, 23 ફેબ્રુઆરીથી વર્તમાન વેસ્ટર્ન ડિસ્ટર્બન્સની અસર ઓછી થવા લાગી છે, પરંતુ બંગાળની ખાડીમાં ભેજને કારણે વાદળછાયું વાતાવરણ ચાલુ રહેશે. 27 ફેબ્રુઆરીથી ફરી એક નવું વેસ્ટર્ન ડિસ્ટર્બન્સ સક્રિય થશે. આ સિસ્ટમની અસર માર્ચ મહિનામાં પણ જોવા મળી શકે છે, જે ખેડૂતો માટે ચિંતાનો વિષય બની શકે છે. માર્ચ મહિનામાં પણ આવી જ સિસ્ટમ સક્રિય થઈ શકે છે અને તેની અસર રાજ્યમાં અનુભવાય તેવી શક્યતા છે.
ગુજરાતમાં આગામી દિવસો કેવા રહેશે?
Trending News
હવામાન વિભાગના તાજેતરના અપડેટ મુજબ, મુખ્ય આગાહી 26 ફેબ્રુઆરીની સવાર સુધી વરસાદની છે. ત્યારબાદ, 3 માર્ચ સુધી હવામાન મુખ્યત્વે શુષ્ક રહેવાની સંભાવના છે. આગામી સાત દિવસ દરમિયાન તાપમાનમાં કોઈ મોટો ફેરફાર થવાની સંભાવના નથી. આગામી સાત દિવસ એટલે કે 3 ફેબ્રુઆરી સુધી લઘુત્તમ અને મહત્તમ તાપમાનમાં કોઈ મોટો ફેરફાર થવાની સંભાવના નથી. આ સાથે, એવું કહેવામાં આવ્યું હતું કે 26મીએ સવારે 8.30 વાગ્યા સુધી જ વરસાદની આગાહી છે. આ ઉપરાંત, ત્રીજા દિવસ સુધી હવામાન શુષ્ક રહેશે.
વરસાદ પાછળના મુખ્ય કારણો
હવામાન વિભાગના જણાવ્યા અનુસાર, એક જ સમયે 5 સક્રિય સિસ્ટમોને કારણે વાતાવરણમાં ફેરફાર થયો છે. જેમાં, અપર એર સાયક્લોનિક સર્ક્યુલેશન, ટ્રફ લાઇન (તમિલનાડુથી મધ્ય મહારાષ્ટ્ર સુધી), રાજસ્થાન પર રચાયેલા બે સાયક્લોનિક સર્ક્યુલેશન, મધ્ય મહારાષ્ટ્ર પર સાયક્લોનિક સર્ક્યુલેશન અને ઉત્તર ભારતમાં સક્રિય વેસ્ટર્ન ડિસ્ટર્બન્સને કારણે કમોસમી વરસાદ પડી રહ્યો છે.
ગુજરાતના કયા વિસ્તારોમાં વરસાદની શક્યતા છે?
હવામાન વિભાગના ડિરેક્ટર એ.કે. દાસના જણાવ્યા મુજબ, નીચેના વિસ્તારોમાં ગાજવીજ સાથે હળવો વરસાદ થવાની સંભાવના છે. જેમાં સૌરાષ્ટ્રમાં અમરેલી અને ભાવનગર, ઉત્તર ગુજરાતમાં સાબરકાંઠા અને અરવલ્લી, દક્ષિણ ગુજરાતમાં નર્મદા, તાપી અને ડાંગ, આ ઉપરાંત કચ્છ, અમદાવાદ અને ગાંધીનગરમાં પણ હળવા વરસાદની સંભાવના છે.
સૌરાષ્ટ્ર અને કચ્છને અડીને આવેલા ઉત્તરપૂર્વ અરબી સમુદ્ર પરનું અપર એર સાયક્લોનિક સર્ક્યુલેશન હવે ગુજરાતના દરિયાકાંઠે ઉત્તરપૂર્વ અરબી સમુદ્ર પર સ્થિત છે. દક્ષિણ આંતરિક કર્ણાટકથી મરાઠવાડા સુધીનો ટ્રફ હવે ઉત્તરપશ્ચિમ તમિલનાડુથી આંતરિક કર્ણાટકમાં મધ્ય મહારાષ્ટ્ર સુધી ફેલાયેલો છે. દક્ષિણપશ્ચિમ રાજસ્થાન પર અપર એર સાયક્લોનિક સર્ક્યુલેશન છે. મધ્ય મહારાષ્ટ્ર અને આસપાસના વિસ્તારોમાં ઉપર એર સાયક્લોનિક સર્ક્યુલેશન છે.