દિલ્હીમાં લાલ કિલ્લા મેટ્રો સ્ટેશન પાસે કાર બ્લાસ્ટમાં એક વ્યક્તિનું મોત, પાંચ ઘાયલ

દિલ્હીના લાલ કિલ્લા મેટ્રો સ્ટેશન પાસે એક કારમાં જોરદાર વિસ્ફોટ થતાં અફડાતફડી મચી ગઈ હતી. આ વિસ્ફોટમાં એક વ્યક્તિનું મોત થયું હતું અને પાંચ અન્ય ઘાયલ થયા હતા. એવું કહેવાય છે કે વિસ્ફોટ સાથે કારમાં આગ લાગી ગઈ હતી. આ વિસ્ફોટ લાલ કિલ્લા મેટ્રો સ્ટેશનના ગેટ નંબર 1 પાસે થયો હતો. ઘટનાની માહિતી મળતા જ સાત ફાયર એન્જિન ઘટનાસ્થળે દોડી ગયા હતા.

એવું કહેવાય છે કે વિસ્ફોટને કારણે ત્યાં પાર્ક કરેલા બે કે ત્રણ અન્ય વાહનોમાં પણ આગ લાગી ગઈ હતી. વિસ્ફોટનું કારણ હજુ સ્પષ્ટ થયું નથી. ફાયર વિભાગના વાહનો અને પોલીસની ટીમો ઘટનાસ્થળે હાજર છે.