December 01, 2025
ગુજરાતમાં વરસાદ વધશે. રાજ્યના હવામાન વિભાગે વરસાદની આગાહી કરતા માછીમારોને આગામી બે દિવસ દરિયામાં ન જવા ચેતવણી આપી છે.
રાજ્યમાં ફરી વરસાદ શરૂ થશે. બંગાળની ખાડીમાં એક સિસ્ટમ સક્રિય થઈ છે, જેની અસર રાજ્ય પર પડશે. હવામાન વિભાગે જણાવ્યું હતું કે ગુજરાતમાં વરસાદ વધશે. માછીમારોને દરિયામાં ન જવા ચેતવણી આપવામાં આવી છે.
હવામાન વિભાગની આગાહી મુજબ, 16 ઓગસ્ટે વરસાદનું જોર વધી શકે છે. શુક્રવારે રાજકોટ, જૂનાગઢ, ગીર સોમનાથ, અમરેલી, ભાવનગર, બોટાદ, બનાસકાંઠા, સાબરકાંઠા, અરવલ્લી, મહિસાગર, મહેસાણા, ગાંધીનગર, ખેડા, આણંદ, પંચમહાલ, આણંદ, ભરૂચ, વડોદરા, દાહોદ, છોટાઉદેપુર, ડાંગ તાપીમાં કેટલાક સ્થળોએ ભારે વરસાદની આગાહી કરવામાં આવી છે. નવસારી અને વલસાડમાં અતિ ભારે વરસાદનું ઓરેન્જ એલર્ટ આપવામાં આવ્યું છે.
રવિવાર, 17 ઓગસ્ટના રોજ ગીર સોમનાથ, અમરેલી, ભાવનગર, સાબરકાંઠા, અરવલ્લી, મહિસાગર, પંચમહાલ, આણંદ, ભરૂચ, વડોદરા, દાહોદ, છોટા ઉદેપુર, નર્મદા, સુરત, ડાંગ જિલ્લામાં યલો એલર્ટ જારી કરવામાં આવ્યું છે. ત્યારબાદ તાપી, નવસારી, વલસાડમાં ભારે વરસાદની આગાહી સાથે ઓરેન્જ એલર્ટ જારી કરવામાં આવ્યું છે.
Trending News
18 ઓગસ્ટના રોજ હવામાન વિભાગે રાજ્યમાં ભારે વરસાદની આગાહી કરી છે. સોમવારે ગીર સોમનાથ, જૂનાગઢ, અમરેલી, ભાવનગર, સુરત, તાપી, નવસારી, ડાંગ, વલસાડમાં ઓરેન્જ એલર્ટ જારી કરવામાં આવ્યું છે. આ જિલ્લાઓમાં ભારે વરસાદ પડી શકે છે. આ ઉપરાંત અન્ય જિલ્લાઓમાં પણ વરસાદની યલો એલર્ટ જારી કરવામાં આવી છે.