અમદાવાદમાં એર ઇન્ડિયાનું પ્લેન ક્રેશમાં પૂર્વ CM વિજય રૂપાણીનું નિધન:લંડન જતી ફ્લાઇટમાં 242 પેસેન્જર સવાર હતા, તમામના મોત:

અમદાવાદમાં 242 મુસાફરો સાથે થયેલા એર ઇન્ડિયાના વિમાન દુર્ઘટનામાં 170 થી વધુ લોકોના મોત થયાના અહેવાલ છે. સૌથી મોટા સમાચાર એ છે કે આ ઘટનામાં ગુજરાતના ભૂતપૂર્વ મુખ્યમંત્રી વિજય રૂપાણીનું પણ મોત નીપજ્યું છે. આ અકસ્માત એટલો દુ:ખદ છે કે વિમાન દુર્ઘટનાની નજીક ભયાનક દ્રશ્ય સર્જાયું છે. કારણ કે, આગથી બળી ગયેલું દ્રશ્ય છે. ચારે બાજુ ભયાનક દ્રશ્યો છે. અમદાવાદે ક્યારેય આવા દ્રશ્યો જોયા નથી. સિવિલ હોસ્પિટલમાં એટલા બધા મૃતદેહો આવી રહ્યા છે કે કફનો ઢગલો થઈ રહ્યો છે, મુખ્યમંત્રી પણ સ્ટેટ ઇમરજન્સી સેન્ટર પહોંચ્યા છે.

અમદાવાદ વિમાન દુર્ઘટનામાં બળી ગયેલા મૃતદેહો ટુકડાઓમાં આવી રહ્યા છે. હાલની પરિસ્થિતિ એવી છે કે અવશેષોને ઢાંકવા માટે કફન લાવવામાં આવ્યું છે. વિમાન જ્યાં ક્રેશ થયું હતું તે સ્થળની આસપાસનો મોટાભાગનો વિસ્તાર બળીને રાખ થઈ ગયો છે. બીજી તરફ, સિવિલ હોસ્પિટલમાં ભયાનક દ્રશ્ય છે. એક તરફ, એક પછી એક મૃતદેહો આવી રહ્યા છે, તો બીજી તરફ, લોકો અને સંબંધીઓની ભીડ સતત હોસ્પિટલમાં આવી રહી છે.