વકફની ગેરકાયદેસર મિલકતો જપ્ત કરવામાં આવશે, યોગી સરકાર એક્શનમાં

સંસદ દ્વારા વકફ સુધારા બિલ પસાર થયા પછી, ઉત્તર પ્રદેશની યોગી આદિત્યનાથ સરકાર એક્શન મોડમાં જોવા મળી રહી છે. યોગી સરકારે જિલ્લા મેજિસ્ટ્રેટ્સને એક ઝુંબેશ શરૂ કરવા અને ગેરકાયદેસર જાહેર કરાયેલી વકફ મિલકતોની ઓળખ કરવાનો નિર્દેશ આપ્યો છે. ઉત્તર પ્રદેશ મહેસૂલ વિભાગના રેકોર્ડ મુજબ, ફક્ત 2963 વકફ મિલકતો નોંધાયેલી છે. મહેસૂલ વિભાગના રેકોર્ડ મુજબ, સુન્ની વકફ બોર્ડની માત્ર 2533 મિલકતો અને શિયા વકફની 430 મિલકતો નોંધાયેલી છે.

સંસદે વકફ બિલને મંજૂરી આપી
લોકસભામાં પસાર થયા બાદ, વક્ફ સુધારા બિલ શુક્રવારે વહેલી સવારે રાજ્યસભામાં પણ પસાર થયું. તેના પક્ષમાં ૧૨૮ અને વિરોધમાં ૯૫ મત પડ્યા. આ સાથે બિલને સંસદની મંજૂરી મળી ગઈ છે. આ બિલનો ઉદ્દેશ્ય વકફ બોર્ડના માળખામાં ફેરફાર કરવાનો અને વકફ કાયદામાં સુધારો કરીને કાનૂની વિવાદો ઘટાડવાનો છે. રાજ્યસભા બિલ પસાર કરવા માટે શુક્રવારે સવારે 2:30 વાગ્યા સુધી ચાલી.