રાજ્ય પર વરસાદની બે સિસ્ટમ સક્રિય થતા 48 કલાક ભારેથી અતિભારે વરસાદની આગાહી

હવામાન વિભાગે આગામી સાત દિવસ સુધી ગુજરાતમાં સાર્વત્રિક વરસાદની આગાહી કરી છે. આજે (4 ઓગસ્ટ) ઉત્તર અને દક્ષિણ ગુજરાતમાં રેડ એલર્ટ જાહેર કરવામાં આવ્યું છે. આ સાથે માછીમારોને આગામી બે દિવસ દરિયો ન ખેડવાની પણ સૂચના આપવામાં આવી છે. હવામાન વિભાગ દ્વારા આજે છ જિલ્લાઓમાં અતિ ભારે વરસાદની આગાહી સાથે રેડ એલર્ટ જારી કરવામાં આવ્યું છે, જ્યારે સૌરાષ્ટ્ર અને કચ્છના ભાગોમાં છૂટાછવાયા ઝાપટાં પડી શકે છે.

ઉત્તર ભાગમાં ઓછા દબાણને કારણે વરસાદી માહોલ રહેશે
અમદાવાદ શહેરમાં આજે ભારે વરસાદને લઈને હવામાન વિભાગ દ્વારા યલો એલર્ટ જારી કરવામાં આવ્યું છે. આ ઉપરાંત ઉત્તર અને દક્ષિણ ગુજરાતના જિલ્લાઓમાં રેડ અને ઓરેન્જ એલર્ટ જાહેર કરવામાં આવ્યું છે. ગુજરાતમાં હાલમાં બે સિસ્ટમ સક્રિય છે, જેના કારણે આગામી 48 કલાકમાં રાજ્યમાં ભારેથી અતિભારે વરસાદની શક્યતા છે. ઉત્તર ભાગમાં ઓછા દબાણને કારણે વરસાદી માહોલ રહેશે. આ સાથે આજે ભારે વરસાદની પણ શક્યતા છે.

અનેક જિલ્લાઓમાં રેડ એલર્ટ જાહેર કરવામાં આવ્યું છે
આ ઉપરાંત દક્ષિણ પશ્ચિમ રાજસ્થાનમાં એક લો પ્રેશર સક્રિય થયું છે, જેના કારણે આજે બનાસકાંઠા અને સાબરકાંઠામાં રેડ એલર્ટ જાહેર કરવામાં આવ્યું છે. તેમજ દક્ષિણ નવસારી, વલસાડ, દમણ અને દાદરા અને નગર-હવેલીમાં ઓફ શોર ટ્રકોને કારણે ભારે વરસાદની શક્યતા છે.