December 01, 2025
ગુજરાતમાં ફરી ચોમાસુ સક્રિય થયું છે. હવામાન વિભાગે રાજ્યમાં વ્યાપક વરસાદની આગાહી કરી છે. આગામી 7 દિવસ રાજ્યમાં વરસાદની આગાહી કરવામાં આવી છે. આજથી 22 તારીખ સુધી વ્યાપક વરસાદ પડી શકે છે. 19 અને 20 ઓગસ્ટના રોજ ભારેથી અતિ ભારે વરસાદની શક્યતા છે. હાલમાં રાજ્યમાં 4 વરસાદી સિસ્ટમ સક્રિય છે. તો આજે જૂનાગઢ, અમરેલી, ભાવનગર, ગીર સોમનાથ, દીવ, ભરૂચ, તાપી, નવસારી, ડાંગ, વલસાડમાં ભારેથી અતિ ભારે વરસાદની આગાહી કરવામાં આવી છે. આજે અમદાવાદમાં હળવો થી મધ્યમ વરસાદ પડી શકે છે.
હવામાન વિભાગે જણાવ્યું હતું કે આગામી સાત દિવસ ગુજરાતમાં વરસાદ પડી શકે છે. 18 થી 22 ઓગસ્ટ દરમિયાન ગાજવીજ સાથે વરસાદની આગાહી કરવામાં આવી છે. તો 19 અને 20 ઓગસ્ટના રોજ કેટલીક જગ્યાએ ભારે વરસાદ પડી શકે છે. રાજ્યમાં ચાર વરસાદી સિસ્ટમ સક્રિય છે. હવામાન વિભાગે માછીમારોને આગામી પાંચ દિવસ સુધી દરિયામાં ન જવા ચેતવણી આપી છે. હવામાન વિભાગના જણાવ્યા અનુસાર બંગાળની ખાડીમાં સારી રીતે ચિહ્નિત લો પ્રેશર સિસ્ટમ સક્રિય છે, તેની સાથે ચોમાસાની ટ્રફ જેવી સિસ્ટમ ગુજરાતમાં વરસાદ લાવશે.
19 ઓગસ્ટ, 2025 ના રોજ, જૂનાગઢ, ગીર સોમનાથ, અમરેલી, નવસારી, વલસાડ જિલ્લામાં અતિ ભારે વરસાદની સંભાવના છે. જ્યારે દેવભૂમિ દ્વારકા, પોરબંદર, રાજકોટ, ભાવનગર, સુરત, તાપી, ડાંગ જિલ્લામાં ભારેથી અતિભારે વરસાદ પડી શકે છે. જ્યારે કચ્છ, મોરબી, જામનગર, સુરેન્દ્રનગર, રાજકોટ, અમદાવાદ, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહિસાગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા જિલ્લામાં ભારે વરસાદ પડી શકે છે.
20 ઓગસ્ટ 2025 ના રોજ, અમરેલી, ભાવનગર, નવસારી, વલસાડ જીલ્લાઓમાં ભારેથી અતિ ભારે વરસાદ પડી શકે છે. દેવભૂમિ દ્વારકા, પોરબંદર, જૂનાગઢ, ગીર સોમનાથ, ભરૂચ, સુરત, તાપી, ડાંગ, બનાસકાંઠા અને સાબરકાંઠા જિલ્લામાં ભારેથી અતિ ભારે વરસાદ પડવાની શક્યતા છે. જ્યારે કચ્છ, મોરબી, જામનગર, રાજકોટ, બોટાદ, સુરેન્દ્રનગર, અમદાવાદ, ગાંધીનગર, મહેસાણા, પાટણ, આણંદ, ખેડા, અરવલ્લી, મહિસાગર, પંચમહાલ, વડોદરા, દાહોદ, છોટાઉદેપુર, નર્મદા જિલ્લામાં ભારે વરસાદ પડી શકે છે.
Trending News
બીજી તરફ, હવામાન નિષ્ણાત અંબાલાલ પટેલની આગાહી વિશે વાત કરીએ તો, તેમણે કહ્યું છે કે આજે કેટલાક ભાગોમાં છૂટાછવાયા વરસાદ પડી શકે છે. આજે દક્ષિણ ગુજરાતમાં ભારે વરસાદની આગાહી છે. ૧૯-૨૦ ઓગસ્ટે વરસાદનું જોર વધશે. સૂર્ય કર્ક રાશિમાં છે અને મધ્ય ગુજરાતમાં ભારેથી અતિ ભારે વરસાદની આગાહી છે. ૨૦-૨૧ અમદાવાદ, ગાંધીનગર, મહિસાગર, સાબરકાંઠા, પંચમહાલમાં ભારે વરસાદ પડી શકે છે. કેટલાક વિસ્તારોમાં ખૂબ જ ભારે વરસાદ પડી શકે છે. ૨૩-૨૫ ઓગસ્ટ દરમિયાન, મધ્ય ગુજરાતમાં ભારેથી અતિ ભારે વરસાદ પડી શકે છે, જેના કારણે નદીઓમાં પૂર આવી શકે છે.