January 28, 2026
છેલ્લા કેટલાક દિવસોથી ગુજરાતમાં હવામાનમાં સતત ફેરફાર જોવા મળી રહ્યો છે. હવામાન નિષ્ણાત અંબાલાલ પટેલની નવી આગાહી મુજબ, આગામી દિવસોમાં રાજ્યમાં કમોસમી વરસાદની સાથે ઠંડીનું પ્રમાણ વધવાની શક્યતા છે. ગુજરાતમાં કડકડતી ઠંડી વચ્ચે, હવામાન નિષ્ણાત અંબાલાલ પટેલે આગામી દિવસો માટે ચિંતાજનક આગાહી કરી છે. રાજ્યમાં આકાશમાંથી વાદળો દૂર થતાં જ તાપમાનમાં ઘટાડો થયો છે અને આગામી 2 થી 3 દિવસ સુધી કડકડતી ઠંડી ચાલુ રહેશે.
વાદળો દૂર થતાં જ રાજ્યમાં હાડ ઠંડક આપતી ઠંડી પડવાનું શરૂ થશે. આગામી બે થી ત્રણ દિવસ સુધી ઠંડીની તીવ્રતા ચાલુ રહેશે. ખાસ કરીને ઉત્તર ગુજરાતમાં ઠંડીનો સૌથી ભયંકર પ્રકોપ જોવા મળશે. ઉત્તર ગુજરાતમાં ઠંડીનો સૌથી ભયંકર પ્રકોપ જોવા મળશે. એક મજબૂત વેસ્ટર્ન ડિસ્ટર્બન્સ ગુજરાત પરથી પસાર થઈ રહ્યો હોવાથી, શિયાળાની મધ્યમાં કેટલાક ભાગોમાં વરસાદી સ્થિતિ જોવા મળી રહી છે. ખાસ કરીને ઉત્તર ગુજરાત અને કચ્છના કેટલાક ભાગોમાં ગઈકાલે સાંજ પછી હવામાનમાં નાટ્યાત્મક ફેરફાર થયો હતો અને વરસાદી ઝાપટા પડ્યા હતા.
કમોસમી વરસાદને કારણે ખેડૂતો મુશ્કેલીમાં મુકાઈ રહ્યા છે, ત્યારે પ્રખ્યાત હવામાન નિષ્ણાત અંબાલાલ પટેલે આગામી દિવસો માટે મોટી આગાહી કરી છે. બનાસકાંઠા (દાંતીવાડા, ડીસા, પાલનપુર) માં લઘુત્તમ તાપમાન 4 ડિગ્રી સુધી ઘટી શકે છે. પાટણ, મહેસાણા, હારિજમાં તાપમાન 8 ડિગ્રી સુધી ઘટી શકે છે. કચ્છના નલિયા સહિતના વિસ્તારોમાં તાપમાન 8 ડિગ્રીથી નીચે નોંધાઈ શકે છે. અમદાવાદ અને ગાંધીનગરમાં 12 ડિગ્રી અને 11 ડિગ્રીની આસપાસ તાપમાન સાથે તીવ્ર ઠંડીનો અનુભવ થશે.