ટાટાનો ધમાકો: TATA પંચ EV ની ડિલિવરી દેશમાં શરૂ, સિંગલ ચાર્જમાં દોડશે 421KM ..! કિંમત માત્ર આટલી

લોકપ્રિય સ્વદેશી કાર ઉત્પાદક ટાટા મોટર્સે તાજેતરમાં ભારતીય બજારમાં તેની પંચ EV લોન્ચ કરી છે. આ Tataની દેશની સૌથી નાની ઇલેક્ટ્રિક SUV બની ગઈ છે.…

લોકપ્રિય સ્વદેશી કાર ઉત્પાદક ટાટા મોટર્સે તાજેતરમાં ભારતીય બજારમાં તેની પંચ EV લોન્ચ કરી છે. આ Tataની દેશની સૌથી નાની ઇલેક્ટ્રિક SUV બની ગઈ છે. નવી Tata Punch EVની પ્રારંભિક કિંમત રૂ. 10.99 લાખ (એક્સ-શોરૂમ) છે.

હવે આ નવી ટાટા પંચ ઇલેક્ટ્રિક કારની ડિલિવરી દેશભરમાં શરૂ થઈ ગઈ છે. આ માટે કંપનીએ 21,000 રૂપિયાની કિંમતે બુકિંગ શરૂ કરી દીધું હતું. ટાટા પંચ EV 5 વેરિઅન્ટ્સમાં ઉપલબ્ધ છે – સ્માર્ટ, સ્માર્ટ+, એડવેન્ચર, એમ્પાવર્ડ અને એમ્પાવર્ડ+.

ટાટા પંચ એવ ડિલિવરી શરૂ

ટાટા પંચ ઇલેક્ટ્રિક કાર બે બેટરી પેક વિકલ્પો સાથે ઓફર કરવામાં આવે છે. આમાં 25 kWh અને 35 kWh બેટરી પેકનો સમાવેશ થાય છે. મિડ રેન્જ માટે, 25kWh બેટરી ઉપલબ્ધ છે, જે સિંગલ ચાર્જમાં 315 કિલોમીટરની રેન્જ આપે છે.

લોંગ રેન્જ વર્ઝન 35kWh બેટરી સાથે આવે છે, જે સિંગલ ચાર્જ પર 421 કિલોમીટરની રેન્જ કવર કરશે. મિડ-રેન્જ મોડલ 80bhp અને 114Nm ટોર્ક ઉત્પન્ન કરે છે, જ્યારે લાંબી રેન્જ મોડલ 120bhp અને 190Nm ટોર્ક ઉત્પન્ન કરવામાં સક્ષમ છે.

કંપનીએ તેને બે ચાર્જર વિકલ્પો સાથે રજૂ કર્યું છે. જેમાં 7.2 kW ફાસ્ટ ચાર્જર અને 3.3 kW વોલબોક્સ ચાર્જર સામેલ છે. નવી ટાટા પંચ ઇલેક્ટ્રિક કારના આગળના ભાગમાં ટાટા લોગોની નીચે એક સેન્ટ્રલ ચાર્જિંગ ફ્લૅપ ઇન્સ્ટોલ કરવામાં આવ્યો છે.

ફ્રન્ટ બમ્પર પર LED હેડલેમ્પ અને ફોગ લેમ્પ લગાવવામાં આવ્યા છે. Tata Punch EV ને 16-ઇંચ ડાયમંડ-કટ એલોય વ્હીલ્સ મળે છે. ચારેય વ્હીલમાં ડિસ્ક બ્રેક પણ ઉપલબ્ધ છે.

Tata Punch EV ટાટાના નવા Acti.EV (એડવાન્સ્ડ કનેક્ટેડ ટેક ઇન્ટેલિજન્ટ ઇલેક્ટ્રિક વ્હીકલ) પ્લેટફોર્મ પર બનેલ છે. આગામી ઇલેક્ટ્રિક મોડલ Harrier EV અને Curve EV પણ આ પ્લેટફોર્મ પર આધારિત હશે.

ટાટા પંચ EVનો આકાર ICE મોડલ જેવો જ છે, પરંતુ ડિઝાઇનની દૃષ્ટિએ આગળનો છેડો Nexon EV ફેસલિફ્ટ જેવો જ છે. તે 14-લિટરની ક્ષમતા સાથે બોનેટની નીચે ફ્રંક, સ્ટોરેજ સ્પેસ મેળવનારી પ્રથમ ભારતીય ઇલેક્ટ્રિક કાર પણ છે.

ટાટા પંચ ઇલેક્ટ્રિક કારને 10.25-ઇંચની મોટી ટચસ્ક્રીન ઇન્ફોટેનમેન્ટ સિસ્ટમ મળે છે, જે Apple CarPlay અને Android Auto કનેક્શનથી સજ્જ છે. કારના અપડેટેડ સેન્ટર કન્સોલને હવે ટચ-સેન્સિટિવ એસી કંટ્રોલ પેનલ પણ મળે છે.

આ સિવાય Tata Punch EV ને Tata લોગો સાથે નવું ટુ-સ્પોક સ્ટીયરિંગ વ્હીલ મળે છે. આ કારના ઇન્ટિરિયરમાં તાજી ડ્યુઅલ-ટોન અપહોલ્સ્ટરી, 7-ઇંચ ડિજિટલ ઇન્સ્ટ્રુમેન્ટ કન્સોલ અને AQI ડિસ્પ્લે સાથે એર પ્યુરિફાયર છે.

તેમાં ઓટો ફોલ્ડ ઓઆરવીએમ, વેન્ટિલેટેડ ફ્રન્ટ સીટ્સ, વાયરલેસ સ્માર્ટફોન ચાર્જર, લેધરેટ સીટ્સ, 360 ડિગ્રી કેમેરા, બ્લાઈન્ડ સ્પોટ મોનિટર, સનરૂફ જેવી સુવિધાઓ છે. આ સિવાય ક્રુઝ કંટ્રોલ, ઈલેક્ટ્રોનિક સ્ટેબિલિટી પ્રોગ્રામ અને 6 એરબેગ્સ આપવામાં આવી છે.

Leave a Reply

Your email address will not be published. Required fields are marked *